Katër liderë evropianë kërkuan bisedë më presidentin amerikan para telefonatës Trump-Putin

By T. B. On 18/05/2025 20:00

Flamuri i Bashkimit Evropian (BE). Foto: ArtJAZZ në Canva

Kancelari gjerman, Friedrich Merz, ka deklaruar të dielën se ai, së bashku me liderët e Britanisë, Francës dhe Polonisë, synojnë të flasin me Donald Trumpin përpara telefonatës së planifikuar të presidentit amerikan me presidentin rus, Vladimir Putin të hënën, transmeton Koha.net.

Merz ka thënë se kishte diskutuar çështjen me sekretarin e Shtetit të SHBA-së, Marco Rubio, teksa ata të dy po merrnin pjesë në meshën inauguruese të Papa Leonit XIV në Vatikan, raporton Reuters.

Merz ka thënë gjithashtu se ai ka folur gjatë në Vatikan me presidentin e Ukrainës, Volodymyr Zelensky.

“Kam folur me Marco Rubio, duke përfshirë edhe thirrjen e nesërme. Ne ramë dakord që do të flasim përsëri me katër liderët e shtetit dhe presidentin e SHBA në përgatitjen e kësaj bisede” u ka thënë Merz gazetarëve të dielën.

Bashkimi Evropian (BE)Donald Tramp (Trump)Lufta në Ukrainë