Drejtori i NP “Parqet dhe Gjelbërimi” – Shkup ka dhënë dorëheqje

U.d. drejtori i Ndërmarrjes publike “Parqet dhe Gjelbërime” – Shkup, Zuhejr Rexhepi përmes një postimi në Fejsbuk faqen e tij informoi se për shkaqe shëndetësore ka dhënë dorëheqje nga funksioni, njofton Portalb.

“Për shkaqe shëndetësore sot parashtrova dorëheqje nga funksioni drejtor në NP ‘Parqe dhe Gjelbërime’.
E falënderoj kryetaren Arsovska për besimin dhe mundësinë e dhënë, por shëndeti është më i rëndësishëm se çdo funksion”, ka shkruar Rexhepi.

Rexhepi, i cili është pjesë e të ashtuquajturit “Grupi i zjarrit” i BDI-së, u emërua në këtë funksion në shtator të vitit të kaluar, pasi kuadrot e drejtorëve të VMRO-DPMNE-së në ndërmarrjet publike të Shkupit dhanë dorëheqje pas prishjes së bashkëpunimit me kryetaren e Qytetit të Shkupit, Danella Arsovska.

• LEXO: Qyteti i Shkupit i emëroi drejtorët e rinj në ndërmarrjet publike
• • LEXO: Edhe drejtori i “Parqeve” dha dorëheqje, kane mbetur vetëm drejtorët e NTP-së dhe “Higjienës Komunale”
  • LEXO: Tani që ju kapa me gishtat në mjaltë, nuk bëj për ju, iu përgjigj Arsovska këshillarëve të VMRO-DPMNE-së
  • LEXO: Seri e re dorëheqjesh në qytetin e Shkupit, tri ndërmarrje publike mbetën pa drejtorë
  • LEXO: Dy drejtorë të tjerë të ndërmarrjeve publike dhanë dorëheqje, Arsovska: Drejtorët morën ofertë dorëheqje ose shkarkim
  • LEXO: Arsovska shkarkoi drejtorin e ujësjellësit Perinski dhe sekretarin e Qytetit, thotë se manipuluan me tenderin për trajtimin e ujërave të zeza