Arbitri trondit Italinë: VAR po manipulon ndeshjet, nuk janë të përfshira klubet

Pikërisht në ditët kur ka polemika të forta për gabimet e arbitrave në fushë dhe në VAR, emisioni italian “Le Iene” publikoi një dëshmi të një arbitri në aktivitet, raporton Klan. Vendimet arbitri, i identiteti i të cilit mbahet i fshehur i quan anomali serioze në sistem.

“Këtë vit ka pasur shumë gabime nga arbitrat në fushë dhe në VAR, të cilat janë vërtet të pashpjegueshme, sidomos për ne që jemi profesionistë. Nëse keni pamje të qarta para syve dhe keni mundësinë e rishikimit të episodit me shumë kamera në dispozicion, si nuk e vini re gabimin e bërë nga arbitri në fushë?”

Ai jep shembuj konkretë.

“Për shembull, është rasti i penalltisë së mohuar ndaj Bologna në Juventus-Bologna, ose e goditjes me dorë të Pulisic para golit të tij në Genoa-Milan, ose e faullit të fundit të Bastoni ndaj Duda në Inter-Verona, pak para se të vazhdonte aksioni golit të shumë të debatuar të Inter”.

Sipas arbitrit të intervistuar disa kolegë mbrohen, duke marrë vlerësime të mira nga shoqata dhe kjo po ndikon në karrierën e të tjerëve. Vetë ai thotë se në këtë çështje nuk janë të përfshirë ekipet, por është një çështje e politikës sportive. Ndërkohë shefi i arbitrave Gianluca Rocchi tha se nëse arbitri ka prova për pretendimet t’i paraqesë ato.