Anesteziologut që publikoi në TikTok pamje të palejuara nga Spitali i Tetovës t’i zgjatet paraburgimi, kërkoi Prokuroria
Prokuroria Themelore Publike në Tetovë ka kërkuar t’i zgjatet paraburgimi mjekut nga Spitali i Tetovës, mjeku i cili në TikTok publikoi pamje gjatë punës së spitalit në repartin e gjinekologjisë, transmeton Portalb.mk.
“Prokurori publik deri te Gjykata Themelore në Tetovë ka dorëzuar propozim për zgjatjen e masës paraprake të paraburgimit për personin e akuzuar”, sqaroi Prokuroria, në lidhje me nenin 353 dhe 152 nga Kodi Penal.
Ndryshe, me 14 mars nëpunësit policor arrestuan Valton Dervishin (43) duke vepruar pas paraqitjes nga ana e Pëllumb Vela, drejtor i Spitalit Klinik Tetovë se Dervishi i punësuar si anesteziolog në spital, ka incizuar dhe publikuar në rrjetin TikTok, personel mjekësor dhe pacientë të cilëve u është ofruar ndihmë mjekësore.
Anesteziologu pas kësaj u përjashtua nga puna, ndërkaq me propozim të Prokurorisë nga ana e gjyqtarit të procedurës paraprake nga Gjykata Themelore e Tetovës, për mjekun u caktua masë paraburgimi prej tetë ditësh.
Ndërkaq Dhoma e Mjekëve solli vendimin me të cilin anesteziologut në fjalë propozon t’i merret licenca e punës për shtatë vjet.
- LEXO: Skandali i TikTokerit, prokuroria heton përfshirjen e të tjerëve, Mexhiti shkarkoi drejtorin organizativ
- LEXO: Oda e Mjekëve në RMV vendosi që mjekut i cili publikoi video në TikTok t’i merret licenca e punës
- LEXO: Pas skandalit, Spitali i Tetovës me rregullore: Rreptësisht ndalohet fotografimi i pacientëve
- LEXO: Tetë ditë paraburgim i është caktuar anesteziologut nga spitali i Tetovës
- LEXO: Anesteziologu nga Tetova është pezulluar, kërkohet t’i merret licenca e punës