Ulje-ngritjet e kostos së jetesës në muajin mars në RMV
Inflacioni i matur nëpërmjet indeksit të kostos për jetesë në mars 2025 në Maqedoninë e Veriut, krahasuar me muajin shkurt të vitit 2025, është -1.3%, transmeton Portalb.mk.
Enti Shtetëror i Statistikës raportoi se rënia e inflacionit në mars të vitit 2025, krahasuar me shkurtin e vitit 2025, është rezultat i rënies së kostos për jetesë në grupet e mëposhtme:
- Ushqim dhe pije joalkoolike për 3.0 %,
- Trasport për 1.8 %,
- Mobilje, inventarë dhe mirëmbajtje e ekonomisë familjare për 0.6 %,
- Pije alkoolike, duhan dhe narkotikë për 0.5 %,
- Mallra dhe shërbime të ndryshme për 0.3 %.
Në mars 2025, krahasuar me muajin shkurt 2025, rritja e kostos së jetesës është vërejtur në grupet e mëposhtme:
- Banim, ujë, energji elektrike, gaz dhe karburante të tjera dhe Veshje dhe këpucë për 0.4 %,
- Restorante dhe hotele për 0.3 %,
- Komunikim dhe Shëndet për 0.2 %,
- Rekreacion dhe kulturë për 0.1 %.
Kostoja e jetesës në grupin Arsimi, mbetet në të njëjtin nivel si muajin paraprak.
Indeksi i çmimeve me pakicë në mars të vitit 2025 krahasuar me muajin shkurt të vitit 2025 është 99.1.
Indeksi i kostos për jetesë në mars të vitit 2025, krahasuar me muajin mars të vitit 2024, shënon rritje prej 2.7 %, ndërsa indeksi i çmimeve me pakicë shënon rritje prej 2.2 %.