Supremja konfirmoi dënimet prej 18 dhe 16 vjet burg për vrasjen e hendbollistit Denis Tot
Këshilli për veprat penale pranë Gjykatës Supreme vendosi për kërkesat e paraqitura për shqyrtim të jashtëzakonshëm të aktgjykimit të formës së prerë, për rastin e vrasjes së hendbollistit kroat Denis Tot, transmeton Portalb.mk.
“Këshilli për vepra penale në Gjykatën Supreme të Republikës së Maqedonisë së Veriut ka nxjerrë aktgjykimin, me të cilin janë paraqitur kërkesat për rishikim të jashtëzakonshëm të aktgjykimit të formës së prerë, të parashtruara nga i dënuari A. Gj., K.L. dhe A.K. kundër aktgjykimit të Gjykatës Themelore Penale Shkup të datës 30.11.2022 dhe aktgjykimit të Gjykatës së Apelit Shkup të datës 05.06.2023, i hodhi poshtë si të pabazuara”, njoftoi Gjykata Supreme.
Më herët Apeli ka konfirmuar dënimet e të gjithë të dënuarve për vrasjen e Denis Totit. I pandehuri i parë, Angelo Gjorgjievski, vuan 18 vjet. 18 vjet burg po vuan edhe e akuzuara e dytë Klementina Lefkovska. Ndërsa i akuzuari i tretë Andrej Kostovski është dënuar me 16 vjet burg.
Aktgjykimi i Denis Tot nga Penalja u shqiptua në nëntor 2022. Gjyqtarja Elena Ilievska-Josifoviq dha dënime të larta me burgim për tre të dyshuarit e atëhershëm, tani të dënuar ligjërisht për vrasjen e Denis Tot.
Të pandehurit e kanë mohuar fajësinë për veprën penale të vrasjes. Ata donin të gjykoheshin për rraje. Ata pretenduan se nuk kishin ndërmend ta vrisnin Totin dhe as nuk kishin qëllim ta vrisnin, e as paramendim që është një nga kushtet për të përmbushur qenien e veprës. Gjyqi zgjati dy muaj e gjysmë. Prokurorja Tanja Trajçevska u bind se e dëshmoi fajësinë e të akuzuarve për vrasjen. Në gjykim u dëgjuan dëshmitarë të shumtë të ngjarjes, por edhe ekspertë. Pamjet e vëzhgimit me video nga klubi para të cilit u vra Tot, si dhe pamjet nga kamerat e qytetit ishin gjithashtu vendimtare.
Nëse hendbollisti Denis Tot nuk do të kishte pasur dëmtim të shtyllës kurrizore, ai do të kishte mbijetuar. Këtë e ka treguar ekspertiza e Aleksandar Stankov, drejtor dhe mjek në Mjekësi Ligjore gjatë obduksionit të trupit. Doktor Stankov thotë: “Nëse ai lëndim nuk do të ishte aty, ai mund të kishte mbijetuar.” Goditja e kokës në një sipërfaqe të fortë ishte momenti kyç. Ngjarja ka ndodhur kur Tot është goditur me grusht nga i akuzuari Angelo Gjorgjievski. Të gjithë të akuzuarit kanë kërkuar falje për krimin që kanë kryer.
Denis Tot vra në prill 2022 viti para një diskotekë në Shkup. Në publik u publikua një video e sherrit para diskotekës, ku të pandehurit godasin Totin, ai bie në asfalt dhe mbetet pa jetë.
Nga prilli i vitit të kaluar, për vrasjen e tij janë në paraburgim 28-vjeçari Angelo Gjorgjievski, Klementina Lefkovska 19-vjeçare dhe Andrej Kostovski 22-vjeçar. Aktakuza është ngritur në fund të korrikut 2022.
“I akuzuari, më 7 prill, para një lokali nate në parkun e qytetit në Shkup, së bashku e kanë privuar nga jeta të ndjerin Denis Tot. Pas një debati të shkurtër, të tre i kanë shkaktuar disa goditje dhe lëndime të rënda fizike, nga të cilat viktima fillimisht ka rënë në gjendje kome, ndërsa të nesërmen ka ndërruar jetë”, thuhet në aktakuzë.