Sindikata e Kulturës në RMV e pezulloi protestën për nesër, por paralajmëroi protestë për të martën nëse nuk realizohet premtimi
Protesta e paralajmëruar për nesër, u anulua edhe nga Sindikata e Kulturës së Republikës së Maqedonisë, duke shpresuar që do të realizohet premtimi i autoriteteve qeveritare, gjegjësisht kërkesa e sindikalistëve, transmeton Portalb.mk.
“Sindikata e Kulturës së RM -së, njofton anëtarët e saj dhe të gjithë punonjësit e kulturës se respekton vendimin e SASHK-ut për të pezulluar protestën e nesërme, të cilës është dashur t’i bashkohet edhe SKRM”, njoftoi Sindikata.
Ata paralajmëruan protestë menjëherë për të martën, në rast se nuk realizohet premtimi i autoriteteve qeveritare.
“Nëse të hënën më 22.04.2024 nuk fillon pagesa e pagave për muajin Mars në përputhje me Marrëveshjet Kolektive, SKRM tashmë ka paraqitur një protestë më 23.04.2024 në ora 13:30 para Ministria e Kulturës”, paralajmëroi Sindikata.
Ndryshe, kryetari i Sindikatës për Arsim, Shkencë dhe Kulturë (SASHK), ka vendosur që ta anulon protestën e paralajmëruar për nesër, duke theksuar që protesta do të vazhdon të premten nëse nuk realizohen kërkesat të hënën.
Mbi 3,000 punonjës të institucioneve kulturore nuk kanë marrë rroga në muajin mars, pas disa ditëve do të ngelin edhe pa sigurim shëndetësor. Ata paralajmërojnë se nga e premtja (19.04) do të fillojnë me protesta që do të zgjasin deri sa nuk marrin rroga në përputhje me Kontratën e përgjithshme kolektive.
- LEXO: Sindikata vendosi t’i besojë Qeverisë së RMV-së, e pezulloi protestën që ishte planifikuar për nesër
- LEXO: Ministrja premtoi prej sot rritje të rrogave për 12 përqind për të punësuarit në kulturë, Sindikata nuk i beson
- LEXO: RMV, SASHK-u do të protestojë të hënën para Ministrisë së Kulturës
- LEXO: Pakënaqësia ka kapluar sindikatat në RMV: Çdo ditë protesta të reja për rroga më të larta
- LEXO: RMV, të punësuarit në institucionet e kulturës nesër në protestë nëse sot nuk iu paguhet rroga e marsit