Shqipëria kaloi në play-off të Botërorit 2026

Kombëtarja shqiptare ka triumfuar në ndeshjen e parafundit të fazës kualifikuese për Kupën e Botës 2026, duke mposhtur Andorrën me rezultat 0-1 dhe duke siguruar pjesëmarrjen historike në fazën play-off, transmeton Portalb.mk. 

Takimi u zhvillua në stadiumin “FAF” në Andorra, ku goli vendimtar u shënua nga Kristjan Asllani në minutën e 67-të, duke i dhënë fitoren ekipit kuqezi. 

Federata Shqiptare e Futbollit reagoi menjëherë pas ndeshjes në rrjetet sociale: 

“Ëndrra Botëror vazhdon. Për herë të parë sigurojmë play-off pas klasifikimit në vendin e dytë në grupin K të kualifikueseve të Botërorit 2026.” 

Shqipëria bën pjesë në grupin K së bashku me Anglinë, Serbinë, Letoninë dhe Andorrën. 

Ndeshja e fundit e kuqezinjve në këtë fazë do të zhvillohet më 16 nëntor në Tiranë, kundër Anglisë .