RMV, 9 milionë euro mbështetje evropiane për ARM-në, u nënshkrua Memorandum Mirëkuptimi
Ministrja e Mbrojtjes Slavjanka Petrovska dhe drejtori i Organizatës Sllovene për Avancimin e Sigurisë Njerëzore – ITF, ambasadori Tomazh Lovrençiq, si agjenci që do të zbatojë projektin e Fondit Evropian të Paqes për mbështetjen e Armatës me 9 milionë euro, nënshkruan Memorandumi i Mirëkuptimit sot, me të cilin u shënua edhe fillimi i zbatimit të këtij projekti, i cili do të kontribuojë ndjeshëm në zhvillimin e kapaciteteve të ushtrisë. Në nënshkrimin e Memorandumit mori pjesë edhe ambasadori i BE-së në Maqedoninë e Veriut, David Gir, transmeton Portalb.mk.
Pas nënshkrimit të memorandumit, ministrja Petrovska tha se mbështetja prej nëntë milionë euro është e dedikuar për grupin e batalionit të lehtë të këmbësorisë dhe do të përdoret ekskluzivisht në këtë njësi ushtarake, ndërsa mjetet do të përdoren për blerjen e mjeteve logjistike, mjekësore, inxhinierike dhe pajisje për trajnim, sistemet e komunikimit-informacionit dhe kapacitetet e inteligjencës.
“Kjo mbështetje nga Bashkimi Evropian për ushtrinë dhe mbrojtjen e Maqedonisë konfirmon mbështetjen e Unionit në arritjen e qëllimit tonë strategjik, që është anëtarësimi i Republikës së Maqedonisë së Veriut në Bashkimin Evropian”, tha ministrja dhe shtoi se vlerësimet pozitive nga Komisioni Evropian janë gjithashtu jashtëzakonisht të rëndësishme për kapitullin 31, ku vërehet qartë një nivel i mirë i gatishmërisë dhe progres i mirë në drejtim të përafrimit të vendit me politikën e jashtme dhe të sigurisë të Bashkimit.
“Unioni vlerëson kontributin e Armatës në misionet dhe operacionet e udhëhequra nga BE-ja në mbarë botën. Në këtë mënyrë BE-ja tregon se kur ne i zbatojmë reformat, kur progresi është i dukshëm dhe i qartë, mbështetja evropiane nuk do të mungojë”, tha Petrovska dhe shtoi se Republika e Maqedonisë së Veriut mbetet e përkushtuar në përmbushjen e qëllimit të dytë strategjik, që është anëtarësimi në Bashkimin Evropian.
Ambasadori evropian Gir tha se Maqedonia e Veriut ka treguar dhe dëshmuar përkushtimin e saj ndaj qëllimeve të përbashkëta dhe përputhshmërisë me politikën e përbashkët evropiane dhe të sigurisë, përmes pjesëmarrjes në misionin Altea në Bosnje dhe Hercegovinë, misionin në Republikën e Afrikës Qendrore, kontributin e Forcat mjekësore të përkushtuara ballkanike, me ç’rast mirëpriti pjesëmarrjen në misionet e udhëhequra nga NATO-KFOR-i në Kosovë, misionin në Irak, praninë e shtuar të shtuar në Baltik. Ky është një nga kontributet e para nga Fondi Evropian i Paqes që do të ndihmojë Ushtrinë të bëhet edhe më e shkathët dhe në këtë mënyrë të kontribuojë në rritjen e pjesëmarrjes së saj në operacionet e paqes në kuadër të politikës së përbashkët të jashtme dhe të mbrojtjes – tha Geer.
Ambasadori Lovrenqiq theksoi se Fondi Evropian i Paqes si instrument është i disponueshëm për herë të parë në këtë rajon dhe do të jetë shembull për vendet tjera, si dhe se aktivitetet e planifikuara tashmë kanë filluar. Në muajt e ardhshëm dhe vitin e ardhshëm pritet prokurimi dhe dorëzimi i pajisjeve, që do të jetë një shfaqje e dukshme e përkushtimit të Bashkimit Evropian dhe partneritetit të forcuar me Maqedoninë e Veriut.
Mbështetja prej 9 milionë euro është dedikuar për blerjen e pajisjeve logjistike, pajisjeve mjekësore, sistemeve të komunikimit-informacionit, objekteve të inteligjencës, pajisjeve inxhinierike dhe pajisjeve stërvitore për nevojat e Grupit të Batalionit të Lehtë të Këmbësorisë të Ushtrisë. Pajisjet që do të prokurohen përmes ITF-së janë të koordinuara me profesionistë të Ushtrisë, gjë që është garanci se do të jetë në përputhje me nevojat tona dhe standardet më të larta të NATO-s.