Qeveria e Maqedonisë së Veriut e miratoi Strategjinë për transparencë me Planin Aksionar për periudhën 2023-2026
Qeveria në seancën e 204-t e shqyrtoi dhe miratoi Strategjinë për transparencë në Qeverinë e Maqedonisë së Veriut, propozuar nga Kabineti i zëvendëskryeministres së ngarkuar për politika për qeverisje të mirë, raporton Portalb.mk.
Fushat me prioritet, në përputhje me Strategjinë, janë: përmirësimi i transparencës aktive, përmirësimi i qasjes deri te informacionet me karakter publik, transparencës fiskale të Qeverisë dhe organeve tjera qeverisës, përmirësimi i mundësisë digjitale të institucioneve për lehtësimin dhe automatizimin e procesit të hapjes së të dhënave, si dhe përforcimi i mekanizmave për llogaridhënie në politikbërje.
Masat në detaje janë përpunuar në Planin Aksionar për periudhën 2023-2026, ku janë konkretizuar aktivitetet, afati kohor për zbatim, vlerësimi i mjeteve financiare të nevojshme për zbatimin e aktiviteteve, bartësit e aktiviteteve, si dhe institucionet e përfshira në zbatimin e aktiviteteve.
Strategjia është rezultat i punës së grupit të punës së përbërë nga përfaqësuesit e organizatave qytetare, institucioneve, përfaqësuesit e mediatik dhe akademik, që është pjesë e mbështetjes që Fondacioni Metamorfozis e jep në kuadër të bashkëpunimit me kabinetin e zëvendëskryeministres Gerkovsa, dhe përmes projektit “Transparenca dhe llogaridhënia e institucioneve shtetërore në RMV:, që e realizon Metamorfozis me mbështetjen financiare nga Fondacioni për Shoqëri të Hapur – Maqedoni.
Ndryshe, Qeveria e Maqedonisë së Veriut më 6 dhjetor ka zhvilluar seancën 204-t, ku u miratua Strategjia për zhvillimin e transparencës përmes Planit Aksionar 2023-2026.
- LEXO: Vendimet e Qeverisë së Maqedonisë së Veriut nga seanca e sotme
- LEXO: RMV-ja ka nevojë për transparencë më të madhe institucionale, KE-ja përsëriti vërejtjet
- LEXO: Ndërrimi i shpeshtë i kuadrove dhe skepticizmi i qytetarëve, pengesë për zhvillimin e digjitalizimit dhe transparencës në RMV
- LEXO: RMV, pa përfshirjen e sektorit civil nuk mund të flitet për pluralizëm dhe hapje
- LEXO: Dikush ngarkon skedarë, dikush tjetër nuk është i trajnuar dhe nuk di: Kaos me publikimin e të dhënave të hapura në institucione