Prokuroria ka nisur hetim për një ndërtesë gjashtëkatëshe pa leje në Çair
Duke vepruar mbi një kallëzim penal nga një grup qytetarësh, një prokuror publik nga Prokuroria Themelore Publike në Shkup kreu inspektime dhe lëshoi një Urdhër për të zhvilluar një procedurë hetimore kundër një personi për vepër penale – Ndërtim i paligjshëm sipas nenit 244-a të Kodit Penal, transmeton Portalb.mk.
Objekti filloi të ndërtohet në vitin 2024, pa leje dhe në tokë shtetërore në rrugën Kemal Sejfulla në Çair. I dyshuari, si drejtues i një personi juridik, paraqitet si investitor i ndërtimit – një ndërtesë banimi me lokale afariste dhe një numër katesh Po+P+6+Pk të destinuara për shitje.
“Me urdhër të një prokurori publik, një ekspert i autorizuar gjyqësor në fushën e ndërtimit përcaktoi fazën aktuale të ndërtimit, përkatësisht janë kryer punime betoni të armuar, një strukturë skeleti betoni të armuar plotësisht e betonuar, shtylla, trarë dhe pllaka nga bodrumi deri në katin e gjashtë, si dhe ndërtimi i mureve të jashtëm dhe të brendshëm me tulla bllok.
Prokurori publik i paraqiti gjykatësit të procedurës paraprake propozim për përcaktimin e masave paraprake – detyrim për t’u paraqitur te një zyrtar i caktuar, sekuestrim i përkohshëm i dokumentit të udhëtimit dhe ndalim për kryerjen e punimeve ndërtimore në ndërtesën e paligjshme”, thonë nga Prokuroria.
Kujtojmë se kryetarja e Qytetit të Shkupit, Danella Arsovska ka dorëzuar në prokurori dëshmi dhe dokumente lidhur me ndërtimet pa leje në Çair. Arsovska pretendon se në komunën e Çairit ka 150 ndërtime pa leje. Ajo akuzon ish kryetarin Izet Mexhiti dhe kryetarin aktual Visar Ganiu për ndërtimet pa leje në Çair. Arsovska gjithashtu ka denoncuar se gjatë kohës që po denoncon krimin është duke u ballafaquar me kërcënime.
- LEXO: PTHP Shkup i bëri thirrje Arsovskës të bashkëpunojë dhe të dorëzojë kallëzime penale konkrete për ndërtimet pa leje në Çair
- LEXO: Mexhiti paralajmëroi padi kundër Arsovskës: Është instrumenti i ri i BDI-së për destabilizimin e shtetit
- LEXO: Ganiu: Çairi nuk është figurë shahu në lojërat politike të BDI-së
- LEXO: Ganiu hodhi mbeturina përpara qytetit të Shkupit, Arsovska e pyeti pse iku menjëherë nëpër park kur mori vesh se po vinte