Pendarovski priti Xhaferin dhe ministrat, euroambasadori uroi për votimin e qeverisë teknike
Eruoambasadori në Shkup, David Geer, nëpërmjet një statusi në rrjetin social “X”, ka uruar zgjedhjen e qeverisë kalimtare në krye me Talat Xhaferin. Ai theksoi se mezi pret që të bashkëpunojë me përbërjen e re qeveritare, njofton Portalb.mk.
“Urime kryeministrit Xhaferi për zgjedhjen e tij kryeministër. Mezi presim bashkëpunim të ngushtë me të dhe qeverinë e re në këtë moment të rëndësishëm në marrëdhëniet mes Maqedonisë së Veriut dhe BE-së”, shkruan Geer.
Congratulations to PM Xhaferi upon his election as Prime Minister. We look forward to close cooperation with him and the new government at this important time in relations between North Macedonia and the EU.
— EU Ambassador David Geer (@AmbassadorEU) January 28, 2024
Gjithashtu, presidenti Stevo Pendarovski sonte pas përfundimit të seancës në Kuvend për zgjedhjen e Qeverisë kalimtare për zbatimin e zgjedhjeve për deputetë, ka pritur në kabinetin e tij anëtarët e përbërjes së re të Qeverisë.
Presidenti Pendarovski anëtarëve të qeverisë tranzitore u uroi punë efikase dhe realizim të suksesshëm të zgjedhjeve të ardhshme parlamentare.
Ndryshe, me 65 vota “për” dhe 3 “kundër” sot Kuvendi i Maqedonisë së Veriut e votoi përbërjen qeverisë teknike, e cila do të duhet t’i organizojë zgjedhjet e rregullta parlamentare dhe presidenciale në 100 ditët e ardhshme. Në krye të Qeverisë, për herë të parë në historinë e Maqedonisë së Veriut u zgjodh një shqiptar, Talat Xhaferi, i cili erdhi në këtë pozitë nga pozita e kryetarit të Kuvendit
LEXO: Kush si votoi për Talat Xhaferin kryeministër, 6 deputetë shqiptarë bojkotuan votimin