Një njëzetvjeçar nga Maqedonia e Veriut është gjetur i vdekur në Sarandë

Një shtetas i Maqedonisë së Veriut u gjet i vdekur në një apartament ku po qëndronte me pushime, në qytetin bregdetar Sarandë, transmeton Portalb.mk.

Ngjarja tragjike, sipas policisë, ndodhi më 26 korrik, në lagjen numër 1 të qytetit.

“Policia në Sarandë njoftoi se viktima, i identifikuar si O. J. (20), u gjet nga familjarët e tij ndërsa ndodhej në apartamentin ku po qëndronte gjatë qëndrimit të tij në Shqipëri”, raportuan mediat lokale.

Një ekzaminim paraprak i trupit nuk zbuloi gjurmë dhune. Dyshohet se i riu vdiq nga shkaqe natyrore, por një autopsi duhet të konfirmojë shkakun.

Autoritetet po vazhdojnë hetimet për të sqaruar të gjitha rrethanat e kësaj ngjarjeje tragjike.

Ky është fundi i dytë tragjik i një shtetasi nga Maqedonia gjatë qëndrimit në Shqipëri.

Në mesin e këtij muaji, një shtetas i yni 66-vjeçar u mbyt pranë Durresit, në plazhin pranë Kavajës.

Sipas policisë, ai pësoi atak në zemër pasi hyri në ujin e detit. Notarë të tjerë e vunë re burrin që po mbytej dhe menjëherë nxituan ta ndihmonin, dhe ndërhyri edhe një ambulancë, por tashmë ai kishte vdekur.