Komuna e Çairit ka arkivuar kërkesa për legalizim qysh përpara se të fillojë ndërtimi i objekteve pa leje
“Brigada e Dytë Maqedonase” është një nga rrugët kryesore në Çair, ndërsa rrugë të tilla janë zakonisht magnet për ndërtimin e objekteve të banimit dhe afariste. Ndaj nuk duhet të jetë çudi që edhe në këtë rrugë të frekuentuar po mbijnë ndërtesa të reja. Përveçse janë në të njëjtën rrugë, e përbashkëta e të gjitha këtyre objekteve është se janë ndërtuar pa leje dhe më pas janë legalizuar. Problemi këtu dhe me të gjitha objektet e tjera që do të përmendim në këtë storje, është se ato nuk kanë ekzistuar më 3 mars 2011, shkruan 360Stepeni, transmeton Portalb.mk.
Data 3 mars 2011 është kufiri, data e fundit, deri në të cilën një ndërtesë duhet të ndërtohet si njësi ndërtimore dhe funksionale, për t’u kualifikuar për legalizim. Çdo gjë që është ndërtuar ilegalisht pas kësaj nuk duhet të legalizohet. Këtë e kërkon ligji për trajtimin e objekteve pa leje.
Dhe kështu dukej zona ku u ndërtuan katër godinat që nga fillimi i storjes në janar 2011 dhe një vit më vonë, në prill 2012. Ikën ndërtesat, të cilat më vonë do të legalizohen sikur të ishin aty, nëse jo më herët, të paktën në fillim të vitit 2011.
Punimet e para të ndërtimit, ose më mirë pastrimi i tokës, sipas imazheve historike satelitore të Google, ndodhin në qershor 2014. Vetëm në janar të 2016-ës u shfaq pllaka e parë e betonit për një nga ndërtesat. Në gusht të të njëjtit vit, ndërsa godina e parë është në zhvillim e sipër, fillon ndërtimi i një godine të dytë banimi. Deri në shtator 2017, të dyja ndërtesat duket se janë përfunduar, dhe po mendohet lokacion për të tretën në të njëjtën rrugë. Deri në qershor 2018, edhe ajo ndërtesë do të ketë çati. Në prill të vitit 2020, shihet se ka nisur ndërtimi i godinës së katërt. Deri në tetor, karabina është gati dhe imazhi satelitor i nëntorit 2021 tregon një çati të instaluar për herë të parë.
Sipas të dhënave elektronike të disponueshme të Kadastrës, një nga këto ndërtime pa leje është legalizuar në vitin 2017, dy të tjera në vitin 2019 dhe e fundit në vitin 2021.
E njëjta skemë nuk zbatohet vetëm për këto objekte. Deri më tani, në territorin e komunës së Çairit kemi arritur në rreth njëzet, dhe këto janë vetëm objekte banesore shumëkatëshe, pa llogaritur shtëpitë dhe objektet familjare.
Në linkun në vijim ku mund të lexoni storjen e plotë, mund t’i shihni disa prej objekteve të legalizuara në mënyrë ilegale.
Ме këta shembuj është më se e qartë. Komuna e Çairit legalizon ndërtimet pa leje që nuk është dashur të legalizohen. Dhe nuk është një incident por një fenomen masiv. Si u bë kjo, është pyetja për të cilën kërkuam përgjigje në dokumentacionin që disponon Kadastra.
360 kërkoi zgjidhjet për legalizimin e objekteve që u interesonin, si dhe kërkuan disa raporte gjeodezike të rastësishme.
Dokumentet i çuan në disa njohuri.
Nga gjithsej 12 kërkesa për legalizim për 12 objekte të ndryshme, gjysma, pra 6, janë dorëzuar në të njëjtën ditë – 31.12.2018. Rastësisht apo jo, kjo është dita e fundit derisa në bazë të ligjit u lejua kërkesa për legalizimin e ndërtimeve pa leje.
Absurditeti në të gjithë këtë çështje del në sipërfaqe kur data e paraqitjes së kërkesave për legalizim, sipas të dhënave të komunës, do të krahasohet me situatën në terren, në atë moment, të disponueshme në pamjet historike satelitore.
Për shembull, dy ndërtesat në rrugën “Serava” dukeshin kështu në dhjetor 2018 – njëra sapo ka filluar të ndërtohet, ndërsa në lokacionin tjetër ka shtëpi të mëparshme. Por, pikërisht në atë moment janë dorëzuar kërkesat për legalizimin e tyre, nisur nga numrat e arkivit dhe data e caktuar nga Komuna e Çairit.
Në dhjetor të vitit 2018, ndërtesa pranë kryqëzimit të Bit Pazarit ishte tokë në të cilën sapo kishte filluar heqja e shtëpive të mëparshme. Mirëpo, pikërisht në atë moment është paraqitur kërkesa për legalizim për një objekt që nuk ka filluar as të ndërtohet, duke u nisur nga numrat e arkivit dhe datën që ka vendosur Komuna e Çairit.
Godina e madhe e banimit e “Xhon Kenedi” ishte në fillim të ndërtimit në dhjetor 2018, pra betonimi i pllakave të para shihet nga një satelit. Mirëpo, pikërisht në atë moment është dorëzuar kërkesa për legalizim, nisur nga numrat e arkivit dhe data e caktuar nga Komuna e Çairit.