Filloi shitja e biletave për ndeshjen Maqedoni – Belgjikë, u publikuan edhe çmimet

Federata e Futbollit të Maqedonisë (FFM) ka filluar shitjen e biletave për ndeshjen ndërmjet Maqedonisë dhe Belgjikës, ndërsa çmimi i biletave pritet të jetë 300, 400 dhe 500 denarë, transmeton Portalb.mk.

Ndeshja do të luhet më 6 qershor në Arenën Nacionale “Todor Proeski” në Shkup, duke filluar nga ora 20:45. Biletat do të shiten përmes ueb plaformës online KËTU.

Kjo ndeshje është në kuadër të ndeshjeve kualifikuese për Kupën Botërore 2026, ndërsa më 9 qershor Maqedonia e Veriut do të përballet me Kazakistanin në Astana.

Në këto dy ndeshje si debutues do të jetë Stefan Despotovski, ndërsa kjo është lista e plotë e trajnerit Bllagoja Milevski:

Stole Dimitrievski, Dejan Iliev, Damjan Shishkovski, Igor Aleksovski; Jovan Manec, Ezgjan Alioski, Bojan Dimoski, Stefan Ashkovski, Andrej Stojçevski, Visar Muskiu, Bojan Ilievski, Gjoko Zajkov, Stefan Despotovski; Enis Bardhi, Elif Elmas, Isnik Alimi, Luka Stankovski, Tihomir Kostadinov, Agon Elezi; Bojan Miovski, Milan Ristovski, Darko Çurlinov, Aleksnadar Trajkovski, Kristijan Trapanovski, David Toshevski dhe Dimitar Mitrovski.