Dy kandidatë kanë aplikuar për postin e kryetarit të KRRE-së
Aco Ristov dhe Shamil Rexhepi janë dy kandidatët që aplikuan në konkursin për pozicionin e kryetarit të Komisionit Rregullator për Energjetikë (KRRE), raporton MIA.
Ristov është ish-kryetar i Komunës së Radovishit, i cili e mbajti këtë post nga viti 2021 deri në vitin 2025, ndërsa Rexhepi është punonjës i KRRE-së.
Aplikimet pas vendimit për të publikuar thirrje publike për emërimin e kryetarit të KRRE-së do të shqyrtohen nesër nga Komisioni Parlamentar për Zgjedhje dhe Emërime.
Thirrja u publikua pasi kryetari i fundit i KRRE-së, Marko Bislimoski, dha dorëheqjen dy javë pasi Drejtoria e Policisë Financiare ngriti padi penale kundër tij. Hetimi përqendrohet në një rast me kompaninë “Triterol Petrol” DOOEL Shkup.
Bislimoski dyshohet se nuk ia ka hequr licencën kompanisë në janar 2024, kur ajo pushoi së përmbushuri kërkesat për tregtimin e naftës.
Procedura dyshohet se u ndërpre me një vendim të paligjshëm, i cili i lejoi kompanisë të operonte deri në prill 2025.
Bislimoski reagoi menjëherë ndaj kallëzimit penal nga Shërbimi Financiar dhe në një konferencë për shtyp i hodhi poshtë akuzat, duke pretenduar se KRRE veproi në mënyrë strikte në përputhje me rregulloret ligjore dhe se nuk kishte status preferencial për asnjë kompani.
Bislimoski do ta mbajë pozicionin në KRRE-së deri në zgjedhjen e një kryetari të ri të Komisionit.
Në përputhje me Ligjin e Energjisë, pas shqyrtimit të aplikimeve, Komisioni për Zgjedhje dhe Emërime i propozon Parlamentit një kandidat për emërim si kryetar i Komisionit Rregullator të Energjisë.