Drejtoria e Doganave të RMV-së konfiskoi monedha të vjetra me vlerë mbi dy milion denarë

By N. D. On 25/07/2023 12:32

Monedha të vjetra. Foto nga Drejtoria e Doganave të RMV-së

Drejtoria e Doganave informoi se më 22.07.2023, rreth orës 17:00 në Aeroportin Ndërkombëtar të Shkupit në dalje nga shteti, doganierët për kontroll kanë përzgjedhur bagazhin e një pasagjeri shtetas i Maqedonisë i cili ka qenë duke udhëtuar për në SHBA, transmeton Portalb.mk.

“Në bagazhin e pasagjerit janë vërejtur objekte të dyshimta dhe gjatë ekzaminimit të detajuar, në sendet personale të pasagjerit janë gjetur monedha të vjetra me origjinë dhe vjetërsi të ndryshme, me vlerë numizmatike prej 2.359.000 denarë (38.354 euro)”, njoftojnë nga Drejtoria e Doganave.

Monedhat janë mbajtur përkohësisht, ndërsa ndaj personit është iniciuar procedurë për kundërvajtje në prokurorinë publike kompetente.