Arsovska e shkarkoi Saitin nga posti i drejtorit të NP “Rrugë dhe rrugica”, në vend të tij vjen Qamil Kovaçi
Sait Sait nga sot është shkarkuar nga pozita e drejtorit të NP Rrugë dhe rrugica, ndërsa ushtruesin e detyrës së drejtorit të ndërmarrjes nga sot do ta mbajë Qamil Kovaçi. Kovaçi vjen në pozitën nga pozita e sekretarit të komunës së Sarajit, dhe ka përvojë në menaxhimin e ndërmarrjeve publike si drejtor afatgjatë i Ndërmarrjes Publike të Sarajit, transmeton Portalb.mk.
Gjatë mandatit të Arsovskës për një vit e gjysmë janë ndërruar tre drejtorë. Pas dorëheqjes së Gjorgi Galetanovskit në dhjetor të vitit 2021, i cili u emërua nga ish-kryetari Petre Shilegov, Arsovska emëroi drejtor Kristian Stamenov, djalin e ish-drejtoreshës Tanja Stamenov. Ai u ndërrua brenda pak muajsh sepse lejoi therjen e 10 kuajve në kopsht. Më pas, vitin e kaluar në gusht, në vend të tij u emërua Dragan Ilievski. Në janar të këtij viti, kryetarja e komunës vendosi ta emërojë Ilievskin për kryetar të Ndërmarrjes Publike “Ujësjellës dhe kanalizime”, kështu që Kopshti Zoologjik mori drejtor të tretë Zoran Popov. Ai erdhi në kopsht si pjesë e ekipit të Ilievskit.