U kthye “Parku i Ukrainës” në Çair

By F. C. On 18/07/2023 21:18

"Parku i Ukrainës" në komunën e Çairit. Foto nga Portalb.mk

Në hapësirat e gjelbra të Çairit, afër stadiumit të ekipit të futbollit KF Shkupi, u kthye pamja e vjetër e tabelës ku shkruan “Parku i Ukrainës”, transmeton Portalb.mk.

Komuna e Çairit më 7 qershor e ka promovuar “Parkun Ukraina” në afërsi të objektit të Komunës së Çairit, në prani të këtë tabelë e ka vendosur në prani të ambasadores ukrainase në Shkup, Larisa Dir.

“Me promovimin e Parkut Ukraina përçuam porosinë se çdoherë do të jemi me Ukrainën dhe popullin ukrainas, njëlloj sikurse miqtë tanë – Bashkimi Evropian dhe Shtetet e Bashkuara të Amerikës”, kishte deklaruar kryetari i Komunës së Çairit, Visar Ganiu.

Ndryshe, para ca ditëve, tabela e parkut me emrin e “Parku Ukraina” është shkarravitur, ndërsa kryetari i Komunës së Çairit Visar Ganiu e ka dënuar aktin, duke kërkuar gjetjen e autorëve dhe ndëshkimin e tyre.

“Komuna e Çairit dhe unë si kryetar i saj e dënojmë ashpër aktin e vandalizimit të tabelës me emrin e Parkut Ukraina që gjendet në territorin tonë, gjegjësisht pranë objektit komunal”, shkruan në Facebook, Ganiu.

Mesa duket, veprimin vandal e kanë bërë të rinjtë e partisë Levica, të ashtuquajtur Rinia e kuqe e të rinjve Të Levicës, etë cilët madje në një postim në Twitter janë lavdëruar për këtë akt.