Shkup, u hap edicioni i 5-të i Ditëve të edukimit mediatik
Nga sot deri më 31 tetor në vend do të organizohet edicioni i 5-të i Ditëve të edukimit mediatik nën moton “Gisht i shpejtë, lajme të rreme”. Dhjetë panele diskutimesh, debate online, ekspozita, ditë të hapura në media, shkolla studentore dhe sesione publike do të organizohen nga anëtarët e Rrjetit. Ngjarjet mund të ndiqen drejtpërdrejt ose përmes rrjeteve sociale në Facebook, Instagram, Twitter dhe Youtube, si dhe në ueb faqen https://mediumskapismenost.mk, transmeton Portalb.mk.
Drejtori i Agjencisë për shërbime mediatike audio dhe audiovizuele, Zoran Trajçevski, tha se sivjet Ditët e edukimit mediatik i kushtohen temës “Arsimimi mediatik në hapësirat digjitale”, përmes së cilës i bashkohet edhe vendi ynë i bashkohet shënimit të ngjarjes globale për edukim mediatik.
Trajçevski shtoi se Ditët e edukimit mediatik të këtij viti do të kujtojnë përsëri shumë gjëra të rëndësishme, duke përfshirë ngritjen e vetëdijes se sa i rëndësishëm është edukimi mediatik, si dhe se të njëjtat rregulla profesionale duhet të zbatohen në gazetari si në hapësirën offline ashtu edhe online. Trajçevski shtoi se në ditët në vijim do të rikujtojmë vazhdimisht dhe me këmbëngulje se atë që nuk e bëjmë në realitet, nuk duhet ta bëjmë as në realitetin virtual.
Gjatë hapjes, Ditët e edukimit mediatik shfaqën një dokumentar për pesë vitet e Ditëve të edukimit mediatik.
Në hapjen e sotme u mbajt paneli “Ndërtimi i rezistencës sociale ndaj efekteve të dëmshme të dezinformimit”, organizuar nga Fondacioni Metamorfosis në kuadër të projektit “Qendra kundër dezinformimit në Ballkanin Perëndimor” i mbështetur nga Mbretëria e Holandës. Dita e parë përmban gjithashtu një panel me temë “Gjithmonë të lidhur: Ndikimi i botës digjitale te fëmijët dhe të rinjtë” organizuar nga IMM dhe IREK si pjesë e Projektit të USAID-it për Edukim mediatik “Të rinjtë Mendojnë”. Pasdite, AShMAAV organizon edhe punëtorinë me Majke Isenberg me temën “Përmes digjitalit – sfida të reja për edukimin mediatik?”.
Fondacioni Metamorfozis dhe Qendra Presidenciale për Edukim Politik në kuadër të Ditëve të edukimit mediatik nga 27 deri më 29 tetor në Ohër organizojnë trajnimin “Ndërtimi i përgjegjësisë sociale ndaj efekteve të dëmshme të dezinformatave”.
Ditët e edukimit mediatik janë ngjarja më e rëndësishme kombëtare për mobilizimin e qytetarëve, institucioneve arsimore, organizatave të shoqërisë civile, mediave dhe institucioneve shtetërore dhe për ndërgjegjësimin për progresin e arritur në media dhe informacion.