Pikat kufitare “Evzoni” dhe “Mexhitlija” me Greqinë sërish të bllokuara
Siç njoftoi Lidhja Auto-Moto (LAMM), kalimet kufitare “Evzoni” dhe “Niki” do të mbyllen për lloje të caktuara të trafikut për disa orë sot, transmeton Portalb.mk.
Kalimi “Niki” ose “Mexhitlija” në anën maqedonase do të mbyllet për automjete mallrash nga ora 10:00 deri në orën 16:00, ndërsa “Evzoni” ose “Bogorodica” do të mbyllet për të gjitha llojet e automjeteve nga ora 11:00 deri në orën 16:00.
Bllokadat e kalimeve kufitare në Greqi filluan më 30 nëntor, me rreth 300 traktorë të parkuar në anën greke të kufirit “Evzoni”. Gjithashtu ka bllokada për automjete mallrash në kalimet “Promahonas” dhe “Eksohi” drejt Bullgarisë.
Fermerët grekë kanë filluar protesta për shkak të rritjes së kostove të prodhimit dhe çmimeve të ulëta të blerjes, si dhe skandalit me subvencionet bujqësore evropiane (OPEKEPE), për të cilin ata kërkojnë që të përcaktohet përgjegjësi politike dhe penale dhe që fondet e vjedhura t’u kthehen përfituesve të ligjshëm.
Ndërsa ka mbingarkesë trafiku në këto pika kufitare, nuk ka vonesa më të gjata në pikat e tjera kufitare në anën maqedonase. Sa i përket rrugëve shtetërore në vend, trafiku në to po zhvillohet pa probleme, në rrugë kryesisht të thata.
Sipas njoftimeve nga Lidhja Auto-Moto (LAMM), trafiku në rrugët shtetërore po zhvillohet pa probleme, në rrugë kryesisht të thata. Intensiteti i trafikut në rrugët jashtë zonave urbane është i moderuar dhe nuk ka vonesa më të gjata në pikat kufitare në anën maqedonase për hyrje dhe dalje nga vendi.