“Për të njëqindtën herë” – Pendarovski asnjëherë nuk tha se Dellçevi është bullgar

Verifikim i fakteve
By N. D.
Dragan Kovacki. Foto printscreen
Dragan Kovacki. Foto printscreen

Deputeti i VMRO-DPMNE-së dhe bartës i listës në Njësinë 3 në zgjedhjet e ardhshme, Dragan Kovacki, në një debat në televizionin kombëtar ka përsëritur “për të qindtën herë” të pavërtetën se presidenti aktual, Stevo Pendarovski, i cili është edhe një kandidati për zgjedhjet presidenciale të vitit 2024, tha se Goce Dellçev është bullgar. Prandaj ky recension mban titullin “për të qindtën herë” sepse Pendarovski asnjëherë nuk e ka thënë një gjë të tillë, shkruan Vërtetmatësi.

Dragan Kovacki, nga VMRO-DPMNE, deputet dhe bartës i listës për zgjedhjet parlamentare të vitit 2024, ka thënë një gënjeshtër në një debat në një emision televiziv kombëtar:

A ka thënë presidenti juaj, të cilin ju e quani presidenti ynë, se Goce (Delçev) është bullgar? PO.

[Burimi: Kanal 5 – Vetëm e vërteta/Dragan Kovacki (15.30 min.): datë – 25.04.2024]

Arsyetimi:

Kandidati për deputet nga VMRO-DPMNE Dragan Kovaçki në duel me bartësen e listës nga LSDM Sanja Lukarevska, duke folur se si është pranuar “propozimi francez” dhe si nuk janë miratuar ndryshimet kushtetuese, si dhe se kush është maqedonas, në një moment ka thënë të pavërtetë lidhur me deklaratën e presidentit Stevo Pendarovski dhe qëndrimin e tij ndaj Goce Dellçev.

Kovaçki, “për të qindtën herë”, jo ai personalisht, por edhe partia e tij dhe më gjerësisht pretendojnë se Pendarovski ka deklaruar se Goce Dellçev është bullgar. Prandaj, “për të qindtën herë” duhet të përsëritet deklarata e saktë e Pendarovskit në një intervistë për 360 Gradë në qershor 2019:

Është një e vërtetë historike e padiskutueshme, për të gjithë ata që kanë pak njohuri për atë periudhë historike, se Goce Dellçev është deklaruar bullgar. Por a nuk është e vërtetë historike, qind për qind, që Goce Dellçev luftoi për shtet maqedonas, autonomi, shtet të pavarur, madje në fund la amanet që kockat e tij të pushojnë në Maqedoninë e pavarur. Nuk ka asnjë dokument që thotë se Gotse Dellçev ka luftuar për një Bullgari të madhe apo për Bullgarinë e Shën Stefanit, një deklaratë se ai ka luftuar për aneksimin e provincës së atëhershme të Maqedonisë në Perandorinë Osmane në Bullgari. Pra, është e vërtetë e padiskutueshme historike që ai është deklaruar bullgar, në atë kontekst historik, ashtu siç është e vërtetë dhe fakt i padiskutueshëm historik se ai ka luftuar për shtetin maqedonas – thotë Pendarovski në intervistë.

Një pretendim i tillë i Kovaçevskit dhe VMRO-DPMNE-së është vlerësuar vazhdimisht si e pavërtetë dhe spin nga “Vërtetmatësi”, sepse është e padiskutueshme se ideja është që të pavërtetën të shndërrohet në të vërtetë përmes përsëritjes së vazhdueshme.

Burimee:

Lajme të ngjashme Më shumë nga ky autor