Pentagoni konfirmoi se fluturon dronë të paarmatosur mbi Gaza

By Arbnora Miftari On 04/11/2023 21:50

Shtetet e Bashkuara të Amerikës kanë konfirmuar për herë të parë se kanë fluturuar dronë vëzhgimi të paarmatosur mbi Gaza. Zëdhënësi i Pentagonit, Gjenerali Brig Pat Ryder tha se me anë të dronëve po bëhen “përpjekje për gjetje të pengjeve”, shkruan BBC News, transmeton Portalb.mk.

“Këto fluturime me mjete të paarmatosura filluan pas sulmit të 7 tetorit nga Hamasi në Izrael” tha Ryder në një deklaratë të shkurtër.

Deklarata u dha pasi gazetarët vunë re mjete ajrore të paarmatosura (UAV) në faqet e internetit të gjurmimit të fluturimeve.

“SHBA-ja po kryen fluturime të paarmatosura me UAV mbi Gaza, si dhe po ofron këshilla dhe ndihmë për të mbështetur partnerin tonë izraelit ndërsa ata punojnë në përpjekjet e tyre për rikuperimin e pengjeve”, thuhet në deklaratën e Pentagonit të premten.

Konfirmimi vjen pasi gazetarët vunë re MQ-9 Reapers, zakonisht të operuar nga forcat speciale amerikane, duke i rrënë rrotull Gazës në Flightradar24, një faqe interneti e disponueshme për gjurmimin e fluturimeve.

Dronët reaper janë vendosur më parë për të kryer sulme ajrore në Afganistan, por përdoren kryesisht si avionë vëzhgimi për shkak të aftësisë së tyre për t’u “endur” mbi një zonë për më shumë se 20 orë në të njëjtën kohë.

Zyrtarë të paidentifikuar ushtarakë amerikanë i thanë New York Times se dronët nuk po ndihmonin në koordinimin e veprimeve ushtarake izraelite në dhe rreth Gazës. Zyrtarët i thanë gazetës se informacioni në lidhje me rikuperimin e pengjeve po u kalonte izraelitëve.

Këto nuk janë të vetmet automjete ushtarake amerikane me telekomandë që operojnë në rajon.

Të enjten, marina amerikane njoftoi se kishte gjuajtur municione vdekjeprurëse nga një mjet pa pilot (USV), një varkë me shpejtësi, në ujërat ndërkombëtare të Detit Arabik.

Në një deklaratë, marina vuri në dukje se testi i 23 tetorit ishte hera e parë që municionet luftarake ishin gjuajtur nga një USV në Lindjen e Mesme.

Marina e SHBA tha se zhvillimi i sjell aftësitë ushtarake amerikane në rajon në “nivelin tjetër”.

Muajin e kaluar, marina amerikane tha se kishte rrëzuar shumë dronë dhe raketa të lëshuara nga Jemeni, të cilat dukej se po shkonin drejt Izraelit.

SHBA ka dërguar gjithashtu dy aeroplanmbajtëse në Mesdheun lindor, duke thënë se ata janë atje për të parandaluar përhapjen e luftës midis Hamasit dhe Izraelit.

Në një fjalim të zjarrtë të premten, udhëheqësi i Hezbollahut të Libanit paralajmëroi SHBA-në kundër përdorimit të anijeve për të sulmuar grupin militant.