Nuk përgjohen të gjithë, monitorohen vetëm ato për të cilat ka urdhër të gjykatës, raportoi Spasovski
Është spekulim se po monitorohen bisedat e të gjithëve, monitorohen vetëm ato për të cilat ka urdhër të gjykatës, u përgjigj ministri i Punëve të Brendshme Oliver Spasovski në pyetjen e deputetit të VMRO-DPMNE-së Igor Janushev në seancën e sotme parlamentare për pyetje deputetësh në lidhje me furnizimin e pajisjeve të reja për monitorimin e komunikimeve, raporton MIA.
Spasovski është decid se furnizimi nuk është i MPB-së.
“Për të gjitha çështjet që i keni paraqitur deri te MPB-ja është dërguar përgjigje me shkrim edhe për të parën edhe për të dytën. Çdo gjë tjetër është e dhënë e klasifikuar. Nuk është furnizimi im, ka institucione kompetente për të bërë prokurorime të tilla, nuk është furnizim i MPB-së. E vetmja gjë që është spekulim i plotë dhe një gënjeshtër është se dikush mund t’i ndjekë të gjithë, monitorimi për të gjithë ka qenë deri në vitin 2017 kur keni ndjekur 20 mijë e më shumë persona, kur një milion e më shumë biseda kanë përfunduar në publik”, tha Spasovski.
Për publikun, siç tha, monitorimi në këtë moment bëhet vetëm në bazë të urdhrave gjyqësor dhe asgjë më shumë, për ata që kanë indicie se marrin pjesë në vepra penale dhe marrin vendim gjykate dhe ndiqen.
“Kjo është vetëm për shkak të opinionit jo për ju për të mos i trembur njerëzit, ka kaluar koha kur të gjithë thonin se nuk na lejohet të flasim për shkak të asaj që po ndiqet, theksoi Spasovski dhe shtoi se ajo kohë ka përfunduar në vitin 2017 kur u ndoqën mbi 20 mijë qytetarë dhe mbi një milion biseda”.
Ndryshe, në aktgjykimin fillestar për përgjimet masive të paligjshme “Target-Fortesa”, të akuzuarit janë dënuar gjithsej 55 vjet burgim, prej të cilave 12 vjet për ish-kreun e DSK-së, Sasho Mijallkov, për veprën penale “shoqërim kriminal”, “keqpërdorim i pozitës zyrtare dhe autoritetit” dhe “pranim i shpërblimit për ndikimin e paligjshëm”. Goran Grujevski dhe Nikola Boshkovski morën 15 vjet burgim, gjashtë vjet iu dhanë Toni Jakimovskit, katër vjet Gordana Jankullovskës dhe tre Nadica Nikoliq. Dënime me kusht me dy vjet burg u shqiptuan për Marian Shumulikoski, Vladimir Varelov, Vasil Isakoski, Valentina Simonoska dhe Silvana Zllatovë.
Sipas aktakuzës fillestare, përmes tre sistemeve për ndjekjen e komunikimeve në DSK, në periudhën prej vitit 2008 deri në vitin 2015 jashtëligjshëm ishin ndjekur 4.286 numra telefoni për të cilët nuk ishin dhënë urdhra gjyqësorë. Përgjimi drejtpërdrejt dhe tërthorazi ka përfshirë rreth 20 mijë qytetarë.
Procesi gjyqësor nga procedura fillestare filloi më 22 dhjetor në vitin 2017 kundër 11 personave. Ishin mbajtur 53 seanca gjyqësore, në të cilat u përgjuan 123 dëshmitarë, janë nxjerrë 887 prova materiale dhe pesë ekspertiza, Ishin marrë në pyetje edhe mbi 200 persona të dëmtuar.
Gjykata e Apelit në dhjetor të vitit të kaluar e shfuqizoi aktvendimin e shkallës së parë dhe lëndën e ktheu në rigjykim në Gjykatën Themelore Penale në Shkup.
Mijallkov, tanimë 11 muaj është i burgosur në Strugë. Ai vjet në gusht filloi ta mbajë dënimin me burg prej tre vjetësh. Mijallkov vendosi të mos punojë, por ka shprehur dëshirë të ndihmojë në aktivitetet e përditshme të burgut në pozicionin e shoferit.
- LEXO: Muajin tjetër gjykimi për rastin “Target-Fortesa” ku i akuzuari është Mijallkov
- LEXO: Pasuria e konfiskuar e Mijalkovit do të dalë në ankand
- LEXO: Sasho Mijallkov e ka pranuar fajin dhe u dënua me 3 vjet burg për rastin “Perandoria”, do t’i konfiskohen 36 milionë euro
- LEXO: Gjykata Penale la në fuqi vendimin, prona e Sasho Mijalkovit mbetet e ngrirë