Lideri i së Majtës norvegjeze dha dorëheqjen pasi u filmua duke vjedhur syze luksoze në një free-shop
Kreu i Partisë së Kuqe të Norvegjisë, Bjernar Moxnes, ka dhënë dorëheqjen pasi u filmua duke vjedhur syze luksoze në aeroportin e Oslos. Moxnes, partia e majtë e të cilit ka tetë vende në parlament, u kap në kamera muajin e kaluar duke vjedhur syze dielli Hugo Boss nga një dyqan. Pasi pamjet u bënë virale, Moxnes mori pushim mjekësor në fillim të korrikut, transmeton Portalb.mk.
Norway: Reds socialist party leader & Kremlin asset Bjørnar Moxnes stole Hugo Boss sunglasses at an airport store. He resigned as party leader but is trying to remain in the parliament. Moxnes is adamantly against military support for Ukraine and the European Union. pic.twitter.com/5ws4FTQTFM
— Igor Sushko (@igorsushko) July 26, 2023
Ai e pranoi vjedhjen dhe dha dorëheqje nga posti i tij dje.
“Shumë më kanë pyetur se si mund të kisha bërë diçka kaq budallaqe. Edhe unë e kam pyetur veten shumë herë në javët e fundit. Nuk kam shpjegim adekuat”, tha Moxnes, i cili ishte lider i partisë për 11 vjet.
Presidentja e re e partisë Marie Sneve Martinussen dënoi vjedhjen dhe trajtimin e skandalit nga Moxnes.
“Jam e zemëruar dhe e zhgënjyer dhe këtë ia kam thënë Bjernirit në mënyrën më të hapur. Tani që kërkoi falje, kjo çështje është mbyllur për mua”, tha Martinussen.