Kanada me sanksione të reja kundër Rusisë

Ministrja e Jashtme kanadeze Anita Anand njoftoi një paketë të re sanksionesh kanadeze kundër Rusisë, sipas Ministrisë së Punëve të Jashtme të Ukrainës, raporton Euronews.

Sipas Ministrisë së Punëve të Jashtme, paketa e re e sanksioneve përfshin kufizime për 100 anije cisterna të “flotës në hije” të Rusisë, 13 individë dhe 11 kompani, përfshirë prodhues dhe zhvillues të dronëve, si dhe disa kompani ruse të gazit natyror të lëngshëm.

Për herë të parë, Kanadaja ka sanksionuar gjithashtu kompanitë që mbështesin infrastrukturën kibernetike të Rusisë, e cila përdoret në strategjitë e saj hibride kundër Ukrainës.