Izraeli: Eliminuam liderin e Hamasit në Gaza
Kreu i Hamasit në Gaza, Mohammed Sinwar, është “eliminuar”, tha kryeministri izraelit Benjamin Netanyahu, raporton ABC.
Sinwar ishte një nga personat më të kërkuar në Izrael dhe vëllai më i vogël i ish-liderit të grupit militant, Yahya Sinwar, i cili u vra në një shkëmbim zjarri me trupat izraelite vitin e kaluar, shkruan Sky News.
Duke folur në parlament të mërkurën, Netanyahu e përfshiu Mohammed Sinwarin në një listë të udhëheqësve të Hamasit të vrarë në sulmet ajrore izraelite.
Ky zhvillim vjen pasi një person u vra dhe 48 të tjerë u plagosën pasi një turmë njerëzish pushtoi një qendër ndihmash në Gaza , sipas zyrtarëve lokalë të shëndetësisë.