Ekskavatorët u tërhoqën nga Kozhufi, aktivistët: Rezistenca e popullit është më e fortë se çdo fitim

Kompania private që mori me qira makineri për ndërtimin e hidrocentralit në lumin Doshnicë në Kohzuf është tërhequr, njoftuan sot aktivistët, transmeton Portalb.mk.

Aktivistët thonë se kjo është provë se rezistenca e popullit është më e fortë se çdo fitim. Ata i falënderuan për ndërgjegjësimin dhe vendimin e tyre, siç thonë për të mos u bashkuar me shkatërruesit.

“Por beteja nuk ka mbaruar. Tani po e shohim JES DOOEL – Hidro Doshnica drejt në sy: Tërhiquni, ose populli do t’ju tërheqë! Autoritete – nëse keni sadopak nder dhe dinjitet, anulojeni menjëherë këtë leje të turpshme! Shteti nuk është lodra juaj private, lumenjtë nuk janë mallrat tuaja dhe populli nuk është skllavi juaj. Ne nuk lëvizim, as do të kthehemi. Do të qëndrojmë deri në fund, me zë, me trup dhe me zemër. Kjo është toka jonë, ky është uji ynë, kjo është fitorja jonë që po vjen!”, thonë aktivistët.

Eko-aktivistët që nga 29 qershori e kanë bllokuar rrugën për në burimet e Doshnicës, ku është planifikuar të ndërtohet një mini-hidrocentral. Ata po flenë pranë rrugës në tenda dhe nuk po lejojnë asnjë makineri dhe kamion të shkojë në vend për të filluar aktivitetet e ndërtimit.

• LEXO: Greta Thunberg në bllokadat e Kozhufit: Lufta juaj kundër shkatërrimit të Doshnicës është gjithashtu globale
• LEXO: Një muaj bllokim i Kozhufit, nga Qeveria njoftojnë për dialog dhe mbrojtje të mjedisit jetësor
• LEXO: Shtatëmbëdhjetë ditë bllokadë në rrugën drejt malit Kozhuf: Do të qëndrojmë këtu deri në fund, nuk do të lejojmë hidrocentrale
• LEXO: “Nuk do t’ju lejojmë të prisni venat e Kozhufit”: Qytetarët protestojnë kundër ndërtimit të dy hidrocentraleve