Edhe një herë po përhapet panik dhe frikë rreth qendrave të përpunimit të emigrantëve në Shqipëri

Shqipëria nuk do të pranojë 36 mijë emigrantë në vit, sepse personat që kalojnë në dy qendrat e përpunimit në Shengjin dhe Gaidar nuk do të mund të dalin prej tyre. Hapja e qendrave është vonuar që në verë dhe është rastësi që emigrantët e parë u dërguan në qendrat e përpunimit në të njëjtën ditë kur Shqipëria filloi negociatat me BE. Shifra prej 36,000 është kapaciteti maksimal i qendrave, jo një numër i garantuar i migrantëve që do të mbahen në to, shkruan Vërtetmatësi.

Ne analizojmë një postim në rrjetin social Facebook në të cilin është shpërndarë foto e dy titujve nga shkrimet gazetareske dhe një tekst ku thuhet:

Përfitimet e BE-së tashmë janë të dukshme.

Shqipëria do të pasurohet kulturalisht. Nuk janë shumë, duhet të marrin 36 mijë në vit, por kryesorja do të negociojnë.

Postimi ndau foton e mëposhtme nga shkrimet, pra pamje nga dy lajme të publikuara në Alfa dhe Deutsche Welle:

Por postimi gabimisht lidh dy ngjarje që nuk kanë absolutisht asnjë lidhje me njëra-tjetrën. Konkretisht, qëllimi i njoftimit është të trembë njerëzit, që të paktën me hapjen e negociatave, Shqipëria do të presë menjëherë 36 mijë emigrantë në kuadër të procesit të integrimit europian. Nëse hapet dhe lexohet lajmi i Deutsche Welle, mund të gjendet paragrafi i mëposhtëm:

Sipas planeve të Melonit, emigrantët do të silleshin fillimisht në kampin në portin shqiptar të Shenjin për ekzaminim fillestar. Më pas ata do të transferohen në kampin kryesor në Gjadër, ku Italia do të shqyrtojë kërkesat e tyre për azil jashtë juridiksionit italian. Ata që do të marrin azil më pas do të mund të udhëtojnë drejt Italisë, ndërsa ata që u refuzohet kërkesa do të dëbohen nga Shqipëria, shkruan DW.

Për sqarim, kontrata për ndërtimin e këtyre qendrave të përpunimit të emigrantëve është lidhur në nëntor të vitit të kaluar. Dhe kjo marrëveshje u ratifikua nga Kuvendi i Shqipërisë në shkurt të këtij viti. Qendrat në Shengjin dhe Gaidar duhej të hapeshin gjatë verës, por meqenëse hapja e tyre u shty disa herë, qendrat e emigrantëve u hapën javën e kaluar. Është një rastësi e pastër që Shqipëria nisi negociatat për anëtarësimin në BE në të njëjtën ditë kur emigrantët u nisën drejt qendrave në Shëngjin dhe Gaidar nga Italia.

Siç e përmendëm, plani për hapjen e këtyre qendrave ka më shumë se një vit dhe ka kaluar më shumë se gjysmë viti nga ratifikimi i marrëveshjes. Dhe nuk ka të dhëna se hapja e qendrave ishte e koordinuar që të përkonte me fillimin e negociatave, aq më tepër që largimi i emigrantëve nuk përbën një moment më domethënës se të nesërmen kur të njëjtët emigrantë mbërritën në brigjet shqiptare.

Së dyti, siç shkroi tashmë Vërtetmatësi në një artikull të mëparshëm, dy qendrat në Shenhjin dhe Gaider do të jenë pikërisht – qendra përpunimi. Personat e strehuar aty nuk do të mund të dalin jashtë këtyre qendrave dhe të bredhin lirshëm në territorin e fqinjit tonë perëndimor. Emigrantët do të strehohen në këto qendra deri në shqyrtimin dhe përcaktimin e kërkesës së tyre për azil. Ata që pranohen do të zhvendosen më tej në Itali dhe aplikantët që refuzohen do të qëndrojnë në qendra derisa të sigurohet një mjet i përshtatshëm riatdhesimi.

Për më tepër, shifra prej 36 mijë e përmendur në postim është plotësisht jashtë kontekstit. Në njoftim thuhet:

Nuk janë shumë, duhet të marrin 36 mijë në vit, por kryesorja do ttë negociojnë

Ky numër po keqinterpretohet dhe tregtohet si numri i emigrantëve të garantuar që Shqipëria do të duhet të marrë për të vazhduar negociatat për integrimin europian. Në fakt, siç shkruhet në disa media, sipas marrëveshjes, ky është kapaciteti maksimal i migrantëve që mund të pranohen dhe përpunohen në të dy qendrat në baza vjetore, pra nën 3000 migrantë në muaj:

Sipas marrëveshjes së vitit 2023, Shqipëria pranoi të pranonte deri në 36,000 emigrantë meshkuj të përgjuar në ujërat ndërkombëtare çdo vit në dy qendra të përpunimit të azilit në Shqipërinë veriore, raportoi Politico.

Kjo nuk do të thotë se çdo muaj ata do të arrijnë kapacitetin maksimal të emigrantëve në këto qendra.

Sipas Al Jazeera, qendrat do të funksionojnë sipas ligjit italian dhe do të kenë personelin e sigurisë dhe stafit italian, me gjykatës nga Roma që do të dëgjojnë çështjet përmes videokonferencës. Mënyra se si funksionojnë këto qendra – një shtet anëtar i BE-së që ka juridiksion mbi territorin e një shteti jo-anëtar të BE-së – është e paprecedentë dhe ka tërhequr shumë kritika, por ende u mbetet këtyre dy shteteve që t’i drejtojnë qendrat sipas të gjitha standardeve për mbrojtjen e të drejtave të njeriut.

Dhe në fund, duhet përmendur se shprehja “Shqipëria do të pasurohet kulturalisht” është futur jo rastësisht në këtë postim. “Pasurimi kulturor” është një “argument” i njohur i së djathtës ekstreme dhe përfaqëson një mesazh politik të synuar në mënyrë delikate për një grup të caktuar. Në këtë rast, fraza përdoret në mënyrë ironike dhe i drejtohet grupeve të ekstremit të djathtë dhe antiemigrantëve, të cilët çdo lajm që lidhet me emigrantët e interpretojnë si jashtëzakonisht kërcënues për sovranitetin e një shteti dhe kulturën e tij dominuese.

Sipas fakteve të mësipërme, ne besojmë se ky postim është manipulues dhe ka një kapacitet të fortë për të çuar përdoruesit e rrjetit social në përfundime krejtësisht të gabuara në lidhje me qëllimin, punën, kapacitetet dhe funksionimin e dy qendrave të përpunimit të emigrantëve që janë hapur në Shqipëria. Nuk ka asnjë provë që hapja e qendrave të emigrantëve ishte një kusht për Shqipërinë për të nisur negociatat me BE dhe është një rastësi e pastër që data e dërgimit të emigrantëve nga Italia në Shqipëri përkoi me ditën kur Shqipëria filloi negociatat e integrimit në BE. Duke marrë parasysh të gjitha këto, vlerësojmë se njoftimi është manipulues, pra  është njxerë nga konteksi.