DASH-i: Drejtuesi i SPAK-ut, kampion në luftën kundër korrupsionit

Altin Dumani, drejtues i Strukturës së Posaçme kundër korrupsionit në Shqipëri (SPAK), ka marrë titullin e kampionit nga Departamenti Amerikan i Shtetit për luftën kundër korrupsionit, raporton Koha.net.

Sekretari amerikan i Shtetit, Antony Blinken, ia ka dorëzuar titullin Dumanit. Ai e ka vlerësuar SPAK-un si institucionin më të besueshëm në Shqipëri.

Të hënën këtë titull e morën 10 kampionë nga e gjithë bota.

“Kemi vendosur sistemin non-grata, për njerëzit problematikë, për ata që kanë bërë korrupsion. Dhe, puna që kanë bërë këta njerëz është e jashtëzakonshme se ka dhënë rezultate të jashtëzakonshme, sepse kanë dhënë ndryshimin e perceptimit”, u shpreh Blinken gjatë ceremonisë.

Institucioni SPAK u nis më 2019, pas ndryshimeve kushtetuese të 2016-s. Dumani mori drejtimin e tij para dy vjetësh.

Për shkak të punëve të SPAK-ut, janë gjykuar ish-zyrtarë të lartë në Shqipëri, përfshirë ish-presidentët Ilir Meta e Sali Berisha dhe ish-zëvendëskryeministrin Arben Ahmetaj.