Bërvenica sot e zgjodhi Arkin Jahiun kryetarin të ri të komunës, gjithçka që ndodhi

LajmeLajme kryesoreMaqedoni
By Fisnik Xhelili
Arkin Jahiji duke festuar, foto nga Portalb.mk

Në Komunën e Bërvenicës sot u mbajt rrethi i dytë i zgjedhjeve të jashtëzakonshme për kryetarin e ri të komunës, ku qytetarët do të zgjedhin midis dy kandidatëve më të votuar nga rrethi i parë që u mbajt para dy javëve. Të drejtë vote kishin 16.256 qytetarë në 24 vendvotime, shkruan Portalb.mk.

Rezultatet sipas të dhënave të Komisionit Shtetëror të Zgjedhjeve RMV (KSHZ) nga 100%  e votave të numëruara janë si vijon: Arkin Jahiji nga AKI ka marrë 4.442 vota kurse Stojanço Radiçevski nga VMRO-DPMNE ka marrë 4.177 vota.

KSHZ gjithashtu konstatoi se votimi ka qenë i rregullt dhe pa pengesa.

Më poshtë i gjeni të gjitha zhvillimet e ditës:

21:55: Rezultatet preliminare nga zgjedhjet e jashtëzakonshme në Bervenicë nga 100% e votave të numëruara

21:50 – VMRO për Bërvenicën: Vullnetin e qytetarëve e respektojmë, mbështetja e Qeverisë do të vazhdojë

21:45 – Ahmeti: Sonte shqiptarët gjithandej do ta marrin vesh se kjo komunë ka 65% shqiptarë dhe na takon neve

21: 35 – Jahiji pas fitores në Bërvenicë: Bashkë e fituam komunën

21:15: Rezultatet preliminare nga zgjedhjet e jashtëzakonshme në Bervenicë nga mbi 70% e votave të numëruara

20:52 – Rezultatet preliminare nga zgjedhjet e jashtëzakonshme në Bervenicë nga mbi gjysma e votave të numëruara

20:34 – AKI me Arkin Jahijin nisën festimet për Bërvenicën

20:36 – Rezultatet preliminare nga zgjedhjet e jashtëzakonshme në Bervenicë nga 37,5% e votave të numëruara

20:00 – Rezultatet preliminare nga zgjedhjet e jashtëzakonshme në Bervenicë nga 29% e votave të numëruara

19:15 –  U parashtruan tre kundërshtime për të drejtën e votës në Bërvenicë, qytetarëve iu mundësua të votojnë

19:12 – Ndërprerja e rrymës dhe votimi me stilolapsa të zinj janë disa nga parregullësitë e raportuara në Bërvenicë

19:00 – Kutitë u mbyllën.

18:45 – Dalja e votuesve deri në orën 18:30 krahasuar me vitin 2025 dhe rrethin e parë (Infografik)

17:30 – Dalja e votuesve deri në orën 17 krahasuar me vitin 2025 dhe rrethin e parë (Infografik)

15:30 – Dalja e votuesve deri në orën 15 krahasuar me vitin 2025 dhe rrethin e parë (Infografik)

13:30 – Dalja e votuesve deri në orën 13 krahasuar me vitin 2025 dhe rrethin e parë (Infografik)

11:57 – KSHZ-ja miratoi një kundërshtim për të drejtën e votës në Bërvenicë, qytetarit iu mundësua të votojë

11:30 – Dalja e votuesve deri në orën 11 krahasuar me vitin 2025 dhe rrethin e parë (Infografik)

10:20 – Zgjedhjet në Bërvenicë, KSHZ ka vënë në dispozicion dy numra telefoni për qytetarët

09:30 – Dalja e votuesve deri në orën 09 krahasuar me vitin 2025 dhe rrethin e parë (Infografik)

07:00 – Filloi votimi, të drejtë vote kanë 16.256 qytetarë në 24 vendvotime.


Heshtja zgjedhore është në fuqi ende, ajo filloi një ditë para zgjedhjeve.

Heshtja mbaron në ora 19, kur mbyllen kutitë në ditën e votimeve. Kjo nënkupton se propaganda, agjitimi partiak, fushata dhe shkelje tjera të Kodit Zgjedhor janë rreptësishtë të ndaluara.

Gjatë heshtjes zgjedhore informohet për zgjedhjet dhe rrjedhën e votimeve, por ndërpriten të gjitha format e paraqitjes zgjedhore mediatike.

Sipas Kodit Zgjedhor, si shkelje e heshtjes zgjedhore vlerësohet emetimi i informatave të çdo lloji, fotografive, materialeve audio dhe audio-vizuale lidhur me, ose të cilat kanë marrë pjesë në zgjedhjet, çdo formë të raportimit mediatik të cilat janë në funksion të hapur ose të fshehtë të ndonjë fushate zgjedhore dhe mund të ndikojnë mbi vendimet e votuesve.

Votuan personat e burgosur dhe të pafuqishëm

Dje, 31 tetor, Komisioni Shtetëror i zgjedhjeve njoftoi se kanë votuar personat e burgosur, ata të sëmurë dhe të pafuqishëm, të drejtën e votës dje e shfrytëzuan 112 qytetarë nga 116 qytetarë sa kishin të drejtë vote.

Rezultatet e rrethit të parë të zgjedhjeve

Në rrethin e parë i cili u mbajt më 18 tetor garuan 6 kandidatë, 4 nga partitë politike dhe 2 të pavarur. Votimi kaloi pa incidente, kutitë e votimit u mbyllën në kohë. Dy kandidatët më të votuar shkuan në rrethin e dytë.

Pse mbahen zgjedhjet e jashtëzakonshme?

Zgjedhjet për kryetar të ri të komunës mbahen pasi në qershor ndërroi jetë kryetari i komunës, Jovica Ilievski.

Bërvenica si pikë e nxehtë e zgjedhjeve të kaluara

Në zgjedhjet e rregullta lokale të vitit të kaluar, Komuna e Bërvenicës ishte një nga komunat më të diskutuara, ndërsa gara mori më tepër karakter etnik, ku përplasje përveç opozitës dhe pozitës, pati edhe midis partnerëve në qeveri.

Lajme të ngjashme Më shumë nga ky autor