Aksion policor në Klinikën “Nënë Tereza” në Shkup
Në Klinikën e Onkologjisë në kompleksin klinik universitar “Nënë Tereza” në Shkup është duke u zhvilluar një aksion policor.
Nga Ministria e Punëve të Brendshme për MIA-n e konfirmojnë aksionin, por nuk bëjnë të ditur detaje.
Paralajmërojnë se do të ndajnë më shumë informata, në koordinim me Prokurorinë Themelore Publike, pas përfundimit të aksionit.
Një pjesë e mediave raportoi se aksioni vjen pas publikimit të informacioneve se punonjësit e klinikës në mënyrë të paligjshme u shesin barna pacientëve.