Vazhdon sot gjykimi për vrasjen e Vanjës dhe Pançes

Sot në Gjykatën Penale të Shkupit vazhdon gjykimi për vrasjen e dyfishtë të të miturës Vanja Gjorçevska dhe Pançe Zhezovski, në të cilën të akuzuarit Ljupço Palevski-Palço, Velibor Manev, Bore Videvski dhe Vlatko Keshishov u deklaruan të pafajshëm. Sot do të dëshmojë nëna e Vanjës, e cila kërkoi përjashtimin e publikut nga kjo çështje, por gjykata nuk e pranoi.

Seanca e dytë, e cila ishte dashur të mbahej më 7 tetor, u shty për shkak se Bore Videvski, njëri nga të akuzuarit, ka probleme shëndetësore me veshkat dhe për disa ditë është trajtuar në Klinikën e Nefrologjisë. Sipas organeve të burgut, i pandehuri Videvski është në gjendje të mirë shëndetësore.

Gjykata vazhdon me seancën, ndërsa lëndën e udhëheq gjyqtari Ivica Stefanovski.

Gjykimi për këtë rasti filloi më 20 shtator. Të dyshuar për këtë rast janë edhe Velibor Manev, Vlatko Keshishov, Ljupço Palevski-Palço dhe Aleksandar Gjorçevski, E mitura Vanja Gjorçevska, e cila ishte raportuar e zhdukur më 27 nëntor, u gjet e vdekur në afërsi të Shkupit më 3 dhjetor, kur në afërsi të Velesit u gjet i vdekur edhe Pançe, me origjinë nga Velesi, i cili, nga ana tjetër, u raportua i zhdukur më 24 nëntor. I dyshuari kryesor për vrasjen e Vanja Gjorçevskës dhe Pançe Zhezovskit është Ljupço Palevski-Palço, i cili më 15 maj u ekstradua nga Turqia në vend, ku u gjet dhe u arrestua pas fletarrestit ndërkombëtar të lëshuar nga autoritetet maqedonase përmes Interpolit.

• LEXO: I dyshuari Videvski është kthyer në Shutkë, gjykimi për vrasjen e Vanjës dhe Pançes do të vazhdojë të hënën
• LEXO: Një nga të akuzuarit për vrasjen e Vanjës dhe Pançes është në gjendje të rëndë në Klinikën për nefrologji
• LEXO: Gjyqi për vrasjet e Vanjës dhe Pançes, të gjithë të akuzuarit u deklaruan të pafajshëm