Tërmet në Gostivar me magnitudë 2.5 sipas shkallës Rihter
Një tërmet i dobët pasditen e sotme ka goditur Tetovën dhe Gostivarin. Sipas të dhënave të Observatorit Sizmologjik pranë Fakultetit të Shkencave Matematiko-Natyrore në Shkup, sot në orën 16:10 është regjistruar një tërmet, epiqendra e të cilit ndodhet në zonën sizmike Tetovë–Gostivar, rreth 47 km në jugperëndim të Shkupit, transmeton Portalb.mk.
Magnituda e tërmetit ishte ML 2.5 sipas shkallës lokale Rihter, ndërsa banorët e Gostivarit dhe rrethinës e kanë ndjerë me intensitet III–IV sipas Shkallës Evropiane Makrosizmike.