Pas Tiranës, Podgoricës dhe Prishtinës, Ursula von der Leyen do të vizitojë edhe Shkupin

Komisioni Evropian deklaroi në një konferencë për shtyp se të mërkurën, 30 shtator, Presidentja Ursula von der Leyen do të nisë nga Tirana turin e saj në shtetet e Ballkanit Perëndimor. Klan News raporton se ajo do të takojë së pari Presidentin Bajram Begaj e më pas kryeministrin Edi Rama.

Kjo vizitë vjen pasi Ursula von der Leyen deklaroi se do të paraqesë një afat kohor konkret për anëtarësimin e Shqipërisë dhe Malit të Zi. Burime mediatike në Bruksel kanë konfirmuar faktin se Komisioni Evropian është gati që të mbështesë zyrtarisht përmbylljen e negociatave të anëtarësimit të Shqipërisë me BE-në vitin 2027.

Të enjten, Presidentja e Komisionit Evropian do të vijojë turin e saj rajonal në Prishtinë, ku do të takohet me presidenten në detyrë Albulena Haxhiu dhe kryeministrin Albin Kurti. Më pas, ajo do të udhëtojë në Podgoricë, e me pas në Shkup.

Vlen të përmendet se Von der Leyen ka shtyrë për një datë të mëvonshme vizitat në Serbi dhe Bosnjë-Hercegovinë për shkak të zgjedhjeve të ardhshme. Edhe nderimet që u mbajtën në të dyja vendet në nder të kriminelit të luftës Ratko Mladić mund të kenë ndikuar gjithashtu në këtë vendim të kreut të Komisionit Evropian.