Parlamentare 2024: Çfarë ofron VMRO-ja dhe koalicioni për të rinjtë?
Na ndajnë edhe pak ditë nga zgjedhjet parlamentare të Maqedonisë së Veriut. Derisa partitë vijojnë fushatën e tyre, Portalb.mk ka analizuar programet e tyre për atë se çfarë ofrojnë për të rinjtë. Më poshtë kemi analizuar programin e koalicionit “Maqedonia jote” të udhëhequr nga VMRO-DPMNE.
Në programin zgjedhor VMRO-DPMNE thekson se të rinjtë janë një nga pikat qendrore të platformës së tyre dhe se do të angazhohen për një të ardhme më të mirë për ta në fusha të ndryshme dhe to t’i adresojnë sfidat dhe problemet që prekin ata.
Arsim
VMRO zotohet se do të avancojë arsimin joformal duke afirmuar, promovuar dhe informuar të rinjtë për llojet e programeve dhe mundësive që ofron ky lloj arsimi si dhe duke thjeshtuar procedurat dhe shkurtuar afatin kohor për verifikimin e programeve dhe institucioneve.
“Në bashkëpunim me fakultetet e mësimdhënies, ne marrim përsipër të krijojmë stafin më kompetent me cilësi, kompetenca dhe aftësi të larta, të aftë për edukimin krijues dhe modern të të rinjve”, thuhet në program.
Ata zotohen se do t’i përkushtohen krijimit të kurrikulave moderne, ofrimit të kushteve të denjë për të studiuar dhe jetuar në konvikte studentore dhe përmirësimin e standardit të përgjithshëm studentor. punësimin e tyre.
“Parashikojmë hapjen e qendrave të reja të karrierës brenda universiteteve shtetërore dhe shkollave të mesme ku ende nuk janë hapur, si dhe modernizim dhe investime më të mëdha në qendrat ekzistuese të karrierës për studentët, nxënësit dhe prindërit e tyre”, thuhet në program.
Ndihma financiare
VMRO zotohet se do të përjashtojë nga tatimi mbi të ardhurat personale të rinjtë e sapo punësuar deri në moshën 29 vjeçare.
Ata zotohen edhe për:
- Grante për fermerët e rinj – për projekte me plan biznesi për fillimin e një biznesi bujqësor.
- Mbështetje financiare për çiftet e reja të martuara që do të kthehen në zonat rurale dhe do të fillojnë një biznes.
- Mbështetje shtesë për punësimin e të rinjve nën moshën 29 vjeç, të cilët kanë qenë të papunë për më shumë se 24 muaj.
- Bashkëfinancim për certifikimin ndërkombëtar të profesionistëve të rinj të TIK-ut me qëllim rritjen e produktivitetit të punëtorëve duke rritur aftësitë që kërkohen në nivel global.
- 5 milionë euro për iniciativat sipërmarrëse të të rinjve.
“Do të bëjmë ndryshime ligjore që do të lejojnë të rinjtë që janë përfitues të pensionit familjar të punësohen ligjërisht deri në gjashtë muaj gjatë vitit deri në mbushjen e 26-vjeç, me kusht që të jenë studentë ose praktikantë me kohë të plotë”, thuhet në program.
Ekonomi dhe vende pune për të rinjtë
VMRO zotohet se përmes Agjencisë së Punësimit do synojnë masa për punësimin e të rinjve.
“Agjencia e punësimit do të shndërrohet në një ndërmjetës efektiv midis punëdhënësve dhe punëtorëve”, thuhet në Program.
Ata zotohen për projektin për Shkupin Smart. “Ky projekt do të ketë vlerë transformuese për ekonominë maqedonase, në drejtim të tërheqjes së kompanive të teknologjisë së lartë, të cilat do të hapin vende pune me pagesë të lartë për të rinjtë me kualifikime TIK, mekanike, elektrike dhe të tjera të ngjashme, thuhet në program.
Përmes kësaj ata thonë se do të zvogëlohet emigrimi i të rinjve.
“Ne do të mbështesim bashkëpunimin e institucioneve publike me startup-et dhe kompanitë inovative për zgjidhjen e problemeve të qytetarëve në nivel qendror dhe lokal dhe zhvillimin e përgjithshëm të ekosistemit”, thuhet në program.
Mbajtja e të rinjve në vend
Zhvillimin demografik VMRO zotohet se do ta vendos në plan të parë si zonë me rëndësi kyçe për zhvillimin ekonomik, stabilitetin e shtetit dhe mbajtjen e të rinjve në vend.
“Do të adoptojmë një qasje të re ndaj të rinjve, e cila do t’u sigurojë atyre arsimim të përballueshëm, standard të favorshëm jetese dhe dinjitet njerëzor për të ulur numrin i atyre që detyrohen të largohen nga Maqedonia”, thuhet në program.
VMRO thekson se do të ofrojnë subvencione për kreditë për shtëpi për të rinjtë, gjithashtu subvencione edhe për çiftet e reja që do shpërngulen në fshat.
“Për të mbajtur popullsinë që jeton në zonat rurale, veçanërisht të rinjtë, parashikojmë investime sistematike dhe strukturore në infrastrukturë dhe vende të reja pune në këto zona në zonat rurale”, thuhet në program.
Institucione për të rinjtë
VMRO zotohet se për të rritur efikasitetin Ministrinë e Punës dhe Politikës Sociale do e shndërrojnë në Ministri të Politikës Sociale, Demografisë dhe Rinisë.
“VMRO-DPMNE merr përsipër të përgatisë një Strategji Kombëtare të Shëndetësisë dhe një strategji për mjekët e rinj që do të parashikojë metodologji, rrugë dhe mënyra për të mbështetur mjekët e rinj dhe për të mundësuar punën e tyre dinjitoze në sistemin shëndetësor”, thuhet në program.
Në kuadër të kësaj ministrie thuhet se do të krijohet një qendër për kërkimin e çështjeve rinore, e cila ndër të tjera do të synojë të monitorojë zbatimin e planeve operacionale që do të dalin nga Strategjia Kombëtare për Rininë.
Ata zotohen se do të krijojnë qendër për diagnostikimin dhe trajtimin e fëmijëve dhe të rinjve me vështirësi zhvillimi.
Mes tjerash zotohen edhe për hapjen dhe mbështetjen e qendrave rinore në disa qytete.
Kulturë
Ata zotohen për krijimin e programeve të përshtatshme kulturore dhe kulturo-edukative për zhvillimin dhe edukimin e fëmijëve dhe të rinjve në drejtim të nxitjes së krijimtarisë së tyre.
“Do të rrisim ndjeshëm mbështetjen e prodhimit të muzikës, filmit dhe televizionit për fëmijët dhe të rinjtë në gjuhën maqedonase të rinjtë në institucionet kulturore. Do të rivendosim mbështetjen për krijimtarinë muzikore dhe festivalet muzikore për fëmijë dhe të rinj. Projektimi dhe ndërtimi i ambienteve moderne për Teatrin e Dramës, Teatrin e Komedisë dhe Teatrin për Fëmijë dhe të Rinj”, thuhet në program.
Sport
VMRO zotohet se do të investojë në infrastrukturën sportive dhe se do inkurajojë të rinjtë të angazhohen në sport.
“Përmes transformimit të Agjencisë për Rini dhe Sport, e cila do të shndërrohet në një ministri, do të merret edhe me kompetencat nga sporti që do të përfshijnë sportin profesional dhe masiv, praktikimin e sportit në shkolla, infrastrukturë sportive, sporte rekreative, si dhe zona të tjera”, thuhet në program.
Sfida digjitale
VMRO zotohet për trajnime për sigurinë kibernetike qëllimi i të cilave është rritja e ndërgjegjësimit të fëmijëve dhe të rinjve, prindërve dhe mësuesve të tyre për kërcënimet e mundshme të cenimit të privatësisë në internet.
Ata theksojnë se vëmendje e veçantë do t’i kushtohet arsimimit digjital të të rinjve duke rritur numrin e klasave dhe duke modernizuar klasat në teknologjinë e informacionit.
“Ofrojmë internet falas për të rinjtë në të gjitha konviktet studentore dhe studentore, bibliotekat, dhomat e leximit, qendrat rinore dhe fakultetet, në bashkëpunim me pushtetin lokal do të ofrohet internet falas në sheshe dhe pika të caktuara në zonat urbane, si dhe në qendrat kulturore dhe institucione të tjera publike”, thuhet në program.
“Do të krijojmë një aplikacion celular përmes të cilit të gjithë të rinjtë do të kenë mundësi të përdorin zbritje për hyrje në teatro, muze, institucione në fushën e tureve të lezetshme, transportit publik (autobus dhe hekurudhor), garat sportive dhe ngjarje të tjera do të bashkëpunojë me sektorin privat për të vendosur zbritje për të rinjtë”, thuhet në program.
Mbrojtja e fëmijëve dhe të rinjve
VMRO zotohet për mbrojtje të fëmijëve dhe të rinjve.
“Ndryshe nga tani kur shkollat ruhen nga agjencitë private të sigurisë, shteti do të marrë përsipër përgjegjësinë për të garantuar sigurinë e shkollave dhe të rinjve tanë – nëpërmjet krijimit të një Agjencie të Sigurimit të Shtetit”, thuhet në program.
Ata thonë se do angazhohen edhe për parandalimin e bullizmit.
“Për këtë qëllim do të forcojmë kapacitetet e Ministrisë së Brendshme, e cila do të ketë detyrimin të angazhohet aktivisht në parandalimin dhe mbrojtjen e të rinjve”, thuhet në program.
Portalb.mk deri tani ka publikuar edhe programin e koalicionit VLEN dhe koalicionit të LSDM-së, se çfarë përmban për të rinjtë, ndërsa ditëve në vijim do të publikojmë edhe programet e partive tjera politike për atë se çfarë ofrojnë për të rinjtë.
- LEXO: Parlamentare 2024: Çfarë ofron VLEN për të rinjtë?
- LEXO: Parlamentare 2024: Çfarë ofron LSDM-ja dhe koalicioni për të rinjtë?
Kujtojmë që zgjedhjet parlamentare do mbahen me 8 maj së bashku me rrethin e dytë të zgjedhjeve presidenciale.