Një mësues sulmoi fizikisht një nxënëse të mitur në shkollën e mesme në Kërçovë

Ministria e Punëve të Brendshme njofton se është ngritur kallëzim penal kundër një mësuesi 68-vjeçar të një shkolle të mesme në Kërçovë për sulm fizik ndaj një nxënëseje të mitur, transmeton Portalb.mk.

Gjatë kryerjes së detyrës së tij si mësues i një shkolle të mesme në Kërçovë, Z.S. (68) nga fshati Drugovë në rajonin e Kërçovës ka sulmuar fizikisht një nxënëse të mitur në shkollë, e cila ka pësuar lëndime trupore.

Lëndimet e nxënëses u diagnostikuan në Spitalin e Përgjithshëm në Kërçovë.

Ndaj mësuesit është ngritur kallëzim penal për shkak të dyshimit për kryerjen e një vepre penale të dhunës ndaj një fëmije sipas nenit 201 të Kodit Penal.