NATO vendos trupa shtesë në Kosovë
NATO ka vendosur që të dislokojë forca shtesë, pasi 30 ushtarë të misionit të saj paqeruajtës në Kosovë, KFOR, u lënduan gjatë përleshjeve me protestuesit serbë në Zveçan, transmeton Radio Evropa e Lirë.
“NATO ka udhëzuar dislokimin e Forcave Operacionale Shtesë për Ballkanin Perëndimor, e cilat për shtatë ditë kanë qenë në gatishmëri për dislokim”, u tha në njoftim.
Më 29 maj, KFOR ndërhyri ndaj protestuesve serbë në Zveçan, pasi ata paraprakisht nuk iu bindën thirrjeve që të shpërndaheshin.
Protestuesit u përleshën me trupat e KFOR-it dhe përveç 30 ushtarëve të lënduar, është raportuar edhe për dhjetëra të lënduar nga ana e protestuesve.
Të martën, KFOR bëri të ditur se tre prej ushtarëve morën lëndime nga armët e zjarrit, teksa 27 ushtarët e tjerë kanë lëndime të ndryshme, por që të gjithë nuk kanë plagë vdekjeprurëse.
KFOR tha se ndërhyri në Zveçan “për të shmangur përplasjet mes palëve dhe për të minimizuar rrezikun e përshkallëzimit” dhe se paqeruajtësit “parandaluan kërcënimet ndaj jetës së serbëve të Kosovës dhe shqiptarëve të Kosovës”.
Serbët kanë protestuar edhe të martën në Zveçan, Leposaviq dhe Zubin Potok, duke kundërshtuar kryetarët e rinj shqiptarë dhe duke kërkuar tërheqjen e njësive speciale të Policisë së Kosovës.
Për shkak të rritjes së tensioneve, KFOR në fillim të javës njoftoi se ka shtuar prezencën në veri të Kosovës. Ky mision paqeruajtës ka rreth 4.000 trupa në Kosovë.
Në lidhje me zhvillimet e ditës së sotme në veri të Kosovës:
- LEXO: BE-ja në përpjekje të një takimi Kurti-Vuçiq në Bratisllavë
- LEXO: Vuçiq kërkoi tërheqjen e kryetarëve shqiptarë nga veriu
- LEXO: Kosovë, serbët protestojnë në tri komunat veriore
- LEXO: Situatë e qetë në veri të Kosovës, tensionet e ditëve të fundit anuluan stërvitjen e sotme të “Defender Europe 2023”
- LEXO: BE-ja i kërkoi Kosovës që “menjëherë” ta shtensionojë situatën
Në lidhje me zhvillimet e djeshme në veri të Kosovës:
- LEXO: Kasami dhe Taravari për tensionet në veri: Veprimet e Kosovës për të ruajtur sovranitetin në veri janë normale dhe legjitime
- LEXO: Qeveria e Kosovës akuzoi Beogradin për “dirigjim të turmës ekstremiste”
- LEXO: Vuçiq u bën thirrje serbëve në Kosovë që të mos hyjnë në konflikte me NATO-n
- LEXO: NATO: Sulmet ndaj pjesëtarëve të KFORIT në veri të Kosovës të papranueshme
- LEXO: Pesë persona u arrestuan për sulmet në veri të Kosovës
- LEXO: Diplomatët e huaj dënuan dhunën ndaj KFOR-it dhe gazetarëve në veri të Kosovës
- LEXO: KFOR: 25 ushtarë të plagosur në Zveçan
- LEXO: KFOR ka ndërhyrë në Zveçan për të shpërndarë protestuesit serbë
- LEXO: Policia thotë se protestat në veri të Kosovës po vazhdojnë