Carlos Alcaraz “mbreti” i ri i Wimbledon, rrëzoi mitin e Novak Djokovic

Carlos Alcaraz është kampioni i ri i Wimbledon. Talenti spanjoll, mposhti Novak Djokovic 3-2 në një finale dramatike dhe plot emocione në turneun më prestigjioz në sportin e tenisit, shkruan Supersport.al.

Serbi fitoi 6-1 setin e parë, por Alcaraz u rikthye dhe kaloi në avantazh 2-1 falë sukseseve 7-6 dhe 6-1.

36-vjeçari reagoi dhe fitoi setin e katërt 6-3. Seti final u përjetua me betejë të zjarrtë. Në fund triumfoi freskia fizike dhe talenti i spanjollit, i cili fitoi 6-4 dhe siguroi për herë të parë në karrierë suksesin në Wimbledon.

Ndërkohë që në moshën 20 vjeç e 72 ditë, ai shndërrohet në kampionin e tretë më të ri të Wimbledon.

Pas gjermanit Boris Becker në vitin 1985 (17 vjeç e 8 muaj) dhe suedezit Bjorn Borg në vitin 1976 (20 vjeç e 27 ditë).

Alcaraz kthehet në tenistin e parë që siguron 2 turne Slam në moshë kaq të re, ndërkohë që Djokovic mbetet në kuotën e 7 fitoreve në Ëimbledon, duke mos e barazuar dot legjendën Roger Federer.