Alban Kadriu u zgjodh anëtar i ri në Këshillin Gjyqësor
Komisioni Parlamentar i Zgjedhjeve dhe Emërimeve sot emëroi si anëtar të ri të Këshillit Gjyqësor, Alban Kadriun, jurist i diplomuar me provim të dhënë të jurispodencës nga Tetova, si dhe inspektor kundërvajtjesh në policinë e Tetovës. Me tetë vota “pro”, shumica qeverisëse pranoi propozimin që ai të zëvendësojë Selim Ademin, mandati i dytë i të cilit përfundon nesër, transmeton Portalb.mk.
Kadriu ka punuar për 17 vjet në Ministrinë e Brendshme dhe paraprakisht ka qenë i punësuar në Qeveri. Ai u vlerësua si më i përshtatshmi nga shumica e deputetëve, megjithëse për shpalljen publike aplikuan gjithsej dhjetë kandidatë. BDI emëroi Arber Isakun, ish-anëtar të Këshillit të Prokurorëve Publikë, por ai mori vetëm një votë.
Në listën e kandidatëve përfshihej edhe ish-Prokurori i Shtetit Fehmi Stafa, i cili ka qenë në qendër të vëmendjes vitet e fundit për shkak të përplasjeve me ish-prokurorët e PSP-së për konfiskimin e pasuksesshëm të pronës së biznesmenit Sead Koçan në rastin “Transmet”. Këshilli Gjyqësor identifikoi mangësi serioze në procedurat dy vjet më parë, të cilat kontribuan që një pjesë e pronës të shitej para se shteti ta merrte atë. Lëshime u vunë re si në Prokurori ashtu edhe në Prokurorinë e Shtetit, dhe gjetje të ngjashme u bënë edhe nga Komisioni Kundër Korrupsionit.
Stafa u shkarkua në vitin 2022 pasi dha dorëheqje të parevokueshme, dhe u shfaq për herë të fundit në publik si avokat i Ljupço Pecov – Djallit, i dyshuar për krim financiar.
Kandidatët e mbetur janë kryesisht të diplomuar në drejtësi dhe juristë nga Tetova, Gostivari, Kratova dhe Shkupi. Midis tyre është Vedat Salihi, i cili paraprakisht aplikoi për anëtarësim në Këshillin e Prokurorëve Publikë dhe punoi si hetues në Prokurorinë për Krimin e Organizuar.
Propozimi për të zgjedhur Kadriun vjen në një ditë kur Parlamenti filloi debatin mbi ndryshimet e reja ligjore në Këshillin Gjyqësor, të cilat duhet të shtrëngojnë ndjeshëm kriteret për zgjedhjen e një “avokati të shquar” – pikërisht status përmes të cilit u propozua Kadriu.
Kujtojmë se Parlamenti, shpallje për zgjedhjen e një anëtari të Këshillit Gjyqësor për të zëvendësuar Selim Ademin e publikoi më 17 nëntor.