6 raste dhune në shkollat e RMV-së për një muaj
Që nga fillimi i vitit shkollor kemi 6 paraqitje elektronike për dhunën e bashkëmoshatarëve ku veprohet njësoj ndaj tyre. Këtë e ka theksuar sot ministrja e Arsimit dhe Shkencës Vesna Janevska, raporton Portalb.mk.
“Është mirë që është thyer heshtja, e cila është raportuar që të parandalojmë përhapjen dhe pasojat jashtëzakonisht negative. Komunikimi me opinionin dhe shoqërinë civile është veçanërisht i rëndësishëm për ne”, tha ministrja.
Janevska tha se vendi ka program për ndihmë psikosociale dhe mbështetje në avancimin e mirëqenies dhe shëndetit mendor të fëmijëve në shkollat fillore dhe të mesme.
“Në shkolla ka ekipe profesionale prej psikologësh dhe pedagogësh, të cilët së bashku me mësimdhënësit ndjekin trajnime të vazhdueshme për këtë temë. Përkatësisht vetë shkollat kanë program vjetor për punë në të cilin parashikojnë aktivitete të përkushtuara shëndetit mendor të nxënësve”, theksoi Janevska.
Janevska rikujtoi se aktualisht Ministria është duke zhvilluar debat publik për disa zgjidhje të reja ligjore, mes të cilave dhe ligjet për arsimin fillor dhe të mesëm.
Këto komente ministrja i bëri në konferencën kushtuar kujdesit për shëndetin mendor të nxënësve.
Ndryshe, sonte në episodin më të ri të OpenMic në Portalb.mk i cili publikohet ora 20:00, i ftuar është kryetari i Unionit të Nxënësve të Shkollave të Mesme Berin Muhamed, ai foli edhe për dhunën midis nxënësve.