Von der Leyen: Qëllimi i Komisionit Evropian është të fillojë negociatat për Maqedoninë e Veriut dhe Shqipërinë, edhe kjo mundësisht javën e ardhshme
Sipas Von der Leyen, zgjerimi i Bashkimit Evropian (BE) është një investim në qëndrueshmëri, një investim në siguri, por edhe një investim në prosperitetin e të gjithë kontinentit dhe një investim i madh në demokraci. Ajo thotë se BE ka konfirmuar përkushtimin e tyre për një të ardhme në të cilën të gjashtë partnerët nga Ballkani Perëndimor do të jenë anëtarë të Unionit, shkruan 360 Gradë, transmeton Portalb.mk.
Presidentja e Komisionit Evropian, Usrula von der Leyen, sot pas Samitit dyditor të BE-së, në konferencën e përbashkët për shtyp me presidentin e Këshillit Evropian, Charles Michel, dhe presidentin spanjoll, Pedro Sanchez, tha se qëllimi i Komisionit Evropian është që Maqedonia e Veriut dhe Shqipëria të fillojnë negociatat për integrim në BE sa më shpejt të jetë e mundur, madje edhe javën e ardhshme nëse është e mundur, dhe se “ne konfirmojmë me vendosshmëri përkushtimin tonë për një të ardhme në të cilën të gjashtë partnerët nga Ballkani Perëndimor do të jenë anëtarë të Unionit”.
“Viti i ri fillon me një lajm shumë të mirë për Bashkimin Evropian dhe për fqinjët dhe miqtë e tij me vendimin e djeshëm për të bërë një hap përpara në procesin e zgjerimit. Do të jetë një pikë e rëndësishme e historisë sonë të përbashkët. Ne kemi vendosur të fillojmë negociatat me Ukrainën dhe Moldavinë, kemi vendosur t’i japim statusin e kandidatit Gjeorgjisë, si dhe të hapim negociatat me Bosnjën dhe Hercegovinën, kur të jenë arritur kërkesat e nevojshme”, tha Von der Leyen.
Sipas Von der Leyen, me vendimin e djeshëm për zgjerimin, Unioni tregoi se e përmbush premtimin dhe se nuk ka qenë kurrë më i fortë.
“Në një botë të tronditur nga kriza të shumta, zgjerimi është një investim në stabilitet, një investim në siguri, por edhe një investim në prosperitetin e të gjithë kontinentit dhe një investim i madh në demokraci”, shtoi Von der Leyen.
Sipas Charles Michel, agresioni ushtarak i Rusisë kundër Ukrainës ka shkaktuar një transformim të thellë të Bashkimit Evropian, siç dëshmohet nga samiti që përfundoi sot, i cili ka një dimension historik me vendimet e marra për zgjerimin.
“Vendime të tilla janë një mesazh shumë i qartë politik se zgjerimi është një investim në paqe, siguri dhe prosperitet, drejtuar të gjithë qytetarëve evropianë dhe qytetarëve të vendeve kandidate, si dhe pjesës tjetër të botës”, shtoi Michel.
Sanchez, nga ana tjetër, theksoi se më 1 korrik, kur ishte për vizitë në Kiev, i tha presidentit Zelenski se pas gjashtë muajsh të gjithë anëtarët dhe institucionet e BE-së do të mbështesin anëtarësimin e Ukrainës në Union dhe tani, në fund të kryesimit të Spanjës me Unionin, një vendim i tillë është marrë dje.
Ai shtoi se angazhimi për zgjerim nuk vlen vetëm për Ukrainën, por edhe për Moldavinë, vendet e Ballkanit Perëndimor, si dhe Gjeorgjinë, nëse plotësojnë kushtet e nevojshme.
“Ka shumë vende që duan t’i bashkohen familjes evropiane për një kohë të gjatë dhe kjo do të jetë e mundur me mbështetjen dhe ndihmën e BE-së dhe institucioneve evropiane,” tha Sanchez, duke shtuar se Rumania dhe Bullgaria janë shumë të rëndësishme për Bashkimin dhe se ai shpreson që ata së shpejti t’i bashkohen zonës Shengen.
Krerët e shteteve apo qeverive të vendeve anëtare të BE-së dje gjatë Samitit të BE-së në kuadër të debatit për zgjerimin e saj miratuan edhe vendimet për vendin tonë, sipas të cilave Bashkimi Evropian është i gatshëm të realizojë fazën e hapjes së negociatave të anëtarësimit të Maqedonisë së Veriut, sapo shteti të ketë zbatuar zotimin e tij për miratimin e ndryshimeve kushtetuese, në përputhje me procedurat e brendshme, siç thuhet në vendimet e Këshillit të BE-së të datës 18 korrik 2022.
Dje, kryeministri Dimitar Kovaçevski tha se kjo ditë për Maqedoninë e Veriut ka është një ditë fitimtare në të cilën, pas shfaqjes së suksesshme, shteti shpejt dhe me sukses vazhdon me hapjen e kapitujve dhe procesin e eurointegrimit.
Sipas tij, është për të ardhur keq që opozita në vend është frena kryesore për të ardhmen evropiane të vendit. Qytetarët, tha kryeministri, të jenë të sigurt se me qëndrime të tilla opozitare kundër BE-së dhe NATO-s, do t’u hiqet mundësia për t’iu bashkuar shpejt familjes progresive evropiane.
Paralelisht, sot presidenti i Maqedonisë së Veriut, Stevo Pendarovski, ka takuar presidentin e Republikës së Shqipërisë, Bajram Begaj, për të diskutuar bashkëpunimin mes dy shteteve dhe eurointegrimin.
Më 12 dhjetor u takua Këshilli i Çështjeve të Përgjithshme të BE-së (KÇP), ku i bëri thirrje Maqedonisë së Veriut që të përshpejtojë përfundimin e ndryshimeve kushtetuese.