Nuk ka asnjë provë që aeroplanët na spërkasin me kimikate
Richard Wobbs, i përmendur në postim, është një aktor dhe shkrimtar që i çon shqetësimet e tij për “pluhurin e ajrit” në YouTube, por ai nuk ka asnjë përvojë apo peshë profesionale për të folur për këtë me fakte dhe prova. Dy pilotët e dyshuar që shfaqen në emisionin e tij dhe që dyshohet se pranojnë se janë marrë në pyetje janë gjithashtu të parëndësishëm, pasi identiteti i tyre fshihet, zërat e tyre janë ndryshuar dhe nuk ofrojnë prova për pretendimet e tyre. Më shumë se 70 kimistë dhe shkencëtarë në Universitetin e Irvine, Kaliforni, thanë se nuk kishin parë kurrë prova të programeve të spërkatjes kimike në shkallë të gjerë nga avionët, shkruan Vërtetmatësi.
Një postim në Facebook pretendon se pilotët pranuan se dikush na helmoi me kimikate, domethënë na spërkatin me aeroplanë.
Dhe ata e pranuan se, nuk ka rrugëdalje për ne, për fat të mirë qeveritë janë të vaksinuara kundër helmimit, kështu që nuk ju bëhet vonë për këtë, thuhet në postim.
Postimi shpërndan një video nga emisioni e një farë Richard Wobbs të titulluar: “E vërteta për Chemtrails Nga Pilotët”, e cila supozohet se përfshin dy pilotë që pranojnë se si na helmojnë nëpërmjet ajrit. Richard Wobbs, në kanalin e tij në YouTube, shkruan për veten e tij se njihet edhe si studiuesi tullac dhe se ka filluar ta përdorë kanalin për të shprehur shqetësimin e tij për mënyrën se si janë gjërat në botë.
Në IMDB thuhet për të:
Richard Wobbs lindi më 30 korrik 1963 në Lees, Hampshire, Angli, Mbretëria e Bashkuar. Ai është një aktor dhe shkrimtar, i njohur për Snug and Cozi (1994), Assertion Techniques (2006) dhe Waiting for God (1990).
Pra, Richard Wobbs është një aktor dhe shkrimtar që i çon shqetësimet e tij për atë që supozohet se po ndodh në botë në YouTube. Ai nuk ka asnjë përvojë apo peshë profesionale për të folur për ndonjë pyetje të supozuar që do ta mbështeste me fakte apo prova shkencore. Kushdo mund të thotë që dikush na spërkat me aeroplanë, por që të jetë e vërtetë duhet të mbështetet me fakte.
Për më tepër, dy pilotët e supozuar që marrin pjesë në shfaqjen e Wobbe, siç i quan ai Yves dhe Rasz, dhe që dyshohet se përgjigjen në disa pyetje, janë gjithashtu të parëndësishëm, pasi identitetet e tyre fshihen, zërat e tyre janë ndryshuar dhe ata nuk ofrojnë asnjë provë për pretendimet e tyre. Kushdo mund të qëndrojë pas këtyre zërave dhe të thotë se janë pilot.
Teoria se dikush po na helmon ne aeroplanë është një teori e vjetër konspirative që qarkullon vazhdimisht në rrjetet sociale, por nuk është vërtetuar kurrë. Më herët ka pasur tentativa për të pohuar para publikut se disa pilotë kanë pranuar se ndodh një gjë e tillë, por informacionet e tilla u debankuan.
I ashtuquajturI “helmimi i ajrit”, ose chemtrails, është një teori konspirative që është më shumë se dy dekada e vjetër. Në fakt, fillimet janë në Shtetet e Bashkuara të Amerikës në vitin 1996, pasi Forcat Ajrore të SHBA-ve publikuan një raport mbi modifikimin e mundshëm të motit. Përkrahësit e kësaj teorie konspirative besojnë në qëllime të shumta të “helmimit”. Nga ndikimi psikologjik në popullatë, tek fakti se qëllimi përfundimtar është shpopullimi i globit. Përveç teorive të tilla konspirative, shpesh publikohen fotografi që janë marrë nga teste të ndryshme të aeroplanëve të pasagjerëvë të kryera për të përcaktuar ekuilibrin e avionëve gjatë ngritjes, uljes apo fluturimit.
Komuniteti shkencor po përpiqet shumë t’u shpjegojë njerëzve në mbarë botën se nuk është e vërtetë që ne po spërkatemi me kimikate. Për të vërtetuar se kjo teori konspirative është e rreme dhe mashtron njerëzit, Forbes publikoi një studim në të cilin 76 kimistë dhe shkencëtarë nga Universiteti i Irvine, Kaliforni, thanë se nuk kishin hasur kurrë në ndonjë provë të programeve të spërkatjes kimike në shkallë të gjerë nga avionët me qëllim që të për të dëmtuar shëndetin e qytetarëve dhe për të ndikuar në atmosferë.
Përveç kësaj, profesorë në mbarë botën po takohen me teoricienët e konspiracionit për të shqyrtuar argumentet dhe për të provuar se ky nuk është një skenar i mundshëm, ndër të tjera sepse sekretet e mëdha në projekte që do të përfshinin një numër të madh njerëzish nuk mund të ruhen. Kështu që David Keith nga Universiteti i Calgary-t është takuar me njerëz të shqetësuar se ka spërkatje të ajrit, ose gjurmë kimike. Videon e vizitës së tij, e cila është regjistruar, mund ta gjeni në linkun e mëposhtëm.Vetë profesori udhëzon njerëzit që kanë dyshime se ekzistojnë gjurmët kimike të shikojnë videon.
Në kulmin e pandemisë së Covid-it, kjo teori konspirative me gjoja spërkatje helmesh nga qielli nëpërmjet aeroplanëve u keqpërdor edhe për të dezinformuar qytetarët se Covid nuk është virus, por se është pasojë e atyre helmeve.
Për të gjitha faktet e mësipërme, vlerësojmë se postimi që po analizojmë është i pavërtetë.