Aleanca për Shqiptarët e Selës zgjodhi organet drejtuese
Aleanca për Shqiptarët krahu i Ziadin Selës sot mbajti Kuvendin e 4-të, ku zgjodhi kryesinë e re të partisë, si dhe është diskutuar për situatën politike në vend, njofton Portalb.mk.
Me vendim unanim, Ilire Dauti është zgjedhur sekretare e përgjithshme e partisë, ndërsa Tiron Jajaga për sekretar organizativ.
Përveç tyre në mbledhjen e sotme janë zgjedhur edhe një pjesë e anëtarëve të tjerë të kryesisë, ndërsa një pjesë e vendeve u lanë vakante për t’u plotësuar pas përfundimit të ristrukturimit të disa degëve
Anëtarë të Kryesisë së partisë janë zgjedhur: Ilir Demiri, Vjollcë Berisha, Ilire Dauti, Berat Jakupi, Atnan Neziri, Artina Qazimi, Shpend Sulejmani, Isen Shabani, Albon Xhemaili, Elmi Aziri, Naim Bajrami, Tiron Jajaga, Krenar Lloga, Remzi Mehmedi, Abdulla Iseini, Premtime Zylali, Idri Istrefi, Suzana Paçuku, Driton Nebiu, Nebahat Livareka
dhe Halit Ferati.
Sot akuza dhe kundërakuza në lidhje me partinë Aleanca për Shqiptarët ka pasur nga Ziadin Sela dhe Arben Taravari.
Kujtojmë se Arben Taravari dhe Ziadin Sela hynë në konflikt të hapur për koalicionin e mundshëm parazgjedhor me opozitën shqiptare.
Që nga atëherë Aleanca për Shqiptarët është ndarë në dy krahë, ai i Taravarit që aktualisht është në pushtet në kuadër të koalicionit VLEN dhe ai i Selës që është në opozitë në kuadër të koalicionit Frontit Evropian.