Në Tetovë do të mbahet turneu mbarëkombëtar i volejbollit U16
Në kuadër të festimeve të Nëntorit, Tetova do të presë turneun mbarëkombëtar të volejbollit për grupmoshën U16, duke bashkuar ekipet nga Vlora, Drenica, Kërçova dhe Tetova, transmeton Portalb.mk.
Hapja solemne e turneut do të mbahet nesër, e hënë, në orën 17:00, në Sallën e Gjimnazit “Kiril Pejçinoviq”.
Ndeshjet do të zhvillohen më 24 dhe 25 nëntor.
Nga Komuna e Tetovës të cilët e organizojnë këtë ngjarje thonë se e njëjta, “synon të promovojë sportin dhe bashkëpunimin ndërmjet të rinjve shqiptarë, duke theksuar rëndësinë e aktivitetit sportiv në edukimin dhe zhvillimin e tyre”.
Organizatorët bëjnë thirrje te të gjithë qytetarët të ndjekin këtë ngjarje sportive dhe të mbështesin ekipet pjesëmarrëse.