Ministria e Transportit prezantoi pesë linja të reja ajrore në Ohër dhe Shkup
Kemi tre lajme të mira në lidhje me trafikun ajror, përkatësisht se po prezantojmë pesë linja të reja ajrore, për në Ohër nga Katovica, Wroclaw dhe Milano, dhe për në Shkup nga Budapesti dhe Napoli. Wizz Air do të ofrojë 3.3 milionë ulëse për në Maqedoni vitin e ardhshëm, gjë që do të ketë një ndikim të drejtpërdrejtë në turizëm dhe ekonomi, dhe do të sjellë gjashtë avionë të rinj Airbus A321. Përveç kësaj, do të punojmë për të punësuar edhe njëqind qytetarë të tjerë nga Maqedonia në linjën ajrore, theksoi zëvendëskryeministri dhe ministri i Transportit Aleksandar Nikolloski në konferencën e sotme për shtyp, transmeton Portalb.mk.
“Jemi këtu për të ndarë tre lajme të mira. I pari është të njoftojmë pesë linja të reja ajrore, tre nga Aeroporti i Ohrit, dy nga Aeroporti i Shkupit. Aeroporti i Ohrit do të shërbehet nga fluturime nga Katovica – Polonia nga 28 qershori i vitit të ardhshëm, Wroclaw gjithashtu nga Polonia nga 28 qershori i vitit të ardhshëm, gjë që është shumë e rëndësishme për hapjen e Polonisë si një vend që është shumë i interesuar në turizëm në Maqedoni, veçanërisht turistët polakë janë shumë të mirëpritur në rajonin e Ohrit dhe destinacioni i tretë është aeroporti kryesor Milano-Malpensa i cili do të operojë gjithashtu nga 28 qershori i vitit të ardhshëm. Kësaj i shtojmë edhe dy linja të reja për në Aeroportin e Shkupit, Napoli-Itali duke filluar nga 6 prilli i vitit të ardhshëm dhe Budmista-Hungari nga 6 prilli i vitit të ardhshëm. Nëse i shtojmë kësaj pesë linjat e mëparshme që i njoftuam një muaj më parë, është aeroporti kryesor i Stokholmit dhe Madridit duke filluar nga 2 nëntori, pastaj Këlni duke filluar më 20 dhjetor, Bari dhe Praga gjithashtu më 20 dhjetor dhe Larnaka duke filluar më 30 tetor, kjo është një total prej 11 linjash të reja ajrore vetëm në një muaj e gjysmë në bashkëpunim me miqtë tanë nga Wizz Air”, tha ministri Nikollovski.
Ai shtoi se lajmi i dytë është se Wizz Air do të sjellë gjashtë avionë në Aeroportin e Shkupit që do të jenë vazhdimisht të pranishëm në aeroport, deri më tani ishin katër, do të shkojnë në 7-8 dhe ajo që është shumë e rëndësishme është se ata po zëvendësojnë Airbus A320-të e vjetër me Airbus A231 të rinj, të cilët janë avionët më modernë në botë për momentin.
“Këto janë avionë që ndotin më pak dhe bëjnë më pak zhurmë dhe avionë që kanë 239 vende, që do të thotë një rritje prej rreth 59% të kapacitetit nga viti i ardhshëm. Wizz Air do të ofrojë 3.3 milionë vende për Maqedoninë nga viti i ardhshëm, gjë që mund ta imagjinoni se çfarë do të thotë për turizmin dhe ekonominë në Maqedoni. Lajmi i tretë i mirë është se 200 qytetar nga Maqedonia punojnë në Wizz Air dhe ne planifikojmë ta rrisim atë numër me të paktën 100 të tjerë në periudhën e ardhshme”, tha zëvendëskryeministri dhe ministri i Transportit, Aleksandar Nikolloski.
Drejtori ekzekutiv i Wizz Air, Josef Varady, theksoi se ata e shohin Maqedoninë si një partner dhe si një lider në treg në rajon, ata po sjellin përfitime për qytetarët. Ai theksoi se deri në fund të vitit do të prezantojnë gjashtë aeroplanë dhe çmime më të ulëta, si dhe 3.3 milionë vende vitin e ardhshëm për Maqedoninë, që do të thotë zhvillim i turizmit dhe ekonomisë. Ai shtoi se pret që kompania të punësojë shtetas të tjerë nga Maqedonia.
Kujtojmë se në fund të korrikut, zëvendëskryeministri dhe ministri i Transportit Aleksandar Nikolloski informoi se do të futen pesë linja të reja ajrore nga Aeroporti Ndërkombëtar i Shkupit. Siç njoftoi ai, fluturimet nga Shkupi për në Madrid dhe Stokholm do të fillojnë në nëntor, ndërsa për në Pragë, Bari dhe Këln në dhjetor.