Java e XXX-të e Ligës së Parë, kanë ngelur edhe tri javë të tjera për të caktuar kampionin

Në Maqedoninë e Veriut sot do të luhen gjashtë ndeshje në kuadër të javës së XXX-të në Ligën e Parë. Kanë ngelur edhe tri javë të tjera deri në përfundim të kampionatit, transmeton Portalb.mk.

Ekipi i Shkupit do të jetë nikoqir i Gostviarit, Shkëndija do të pret Akademija Brera, ndërsa Struga do të jetë mysafir i Tikveshit.

Voska Sport do të përballet me kundërshtarin Makedonija Gjorçe Petrov.

Në të njëjtën kohë, duke filluar prej orës 16:00, Bregallnica do të luajë kundër Vardarit, ndërsa Sileksi kundër Rabotniçkit.

Në krye të tabelës është Struga dhe Shkupi me 58 pikë, në vendin e tretë gjendet Shkëndija me 55 pikë, Gostivari gjendet në pozitën e shtatë me 37 pikë, ndërsa Voska gjendet e nënta me 34 pikë.

Në sezonin 2024/25 në Ligën e Parë të Maqedonisë së Veriut do të jetë edhe ekipi tjetër shqiptar, Besa e Dobërdollit, pasi arriti të bëhet kampion në Ligën e Dytë në sezonin 2023/24.