Zjarr në kishën historike në Amsterdam, dhjetëra të evakuuar 

Dhjetëra shtëpi janë evakuuar pas shpërthimit të një zjarri në kishën historike Vondelkerk në Amsterdam, transmeton Portalb.mk. 

Sipas Komunës së Amsterdamit, zjarri ka nisur rreth orës 01:30 të mëngjesit dhe ka vazhduar edhe pas shtatë orësh.

Banorët janë këshilluar të mos kthehen në shtëpitë e tyre për shkak të tymit të dendur.

Erërat e forta kanë shpërndarë shkëndija dhe mbetje të djegura, duke rrezikuar zonën përreth. Si pasojë, janë evakuuar edhe banesa të tjera pranë kishës.

Autoritetet presin që zjarri të zgjasë për disa orë. Marina Holandeze po përdor vinçin më të madh në vend për të ndihmuar në shuarjen e flakëve.

Personat e evakuuar janë dërguar në strehimore. Zjarri është përhapur në çatinë e kishës dhe disa pjesë të saj janë shembur. Ende nuk ka informacione për shkaqet e zjarrit.