U konstituua këshilli i ri i Komunës së Tetovës, VLEN dhe VMRO përsëri me shumicë minimale
Sot, në sallën e madhe të Komunës së Tetovës, u konstituuat Këshilli i ri Komunal pas zgjedhjeve lokale. Komisioni komunal zgjedhor dorëzoi vërtetimet e 31 këshilltarëve, transmeton Portalb.mk.
Këshilli i ri Komunal ka pësuar ndryshime të vogla krahasuar me përbërjen e mëparshme. Sipas rezultateve të zgjedhjeve, koalicioni i VLEN dhe VMRO-DPMNE edhe më tej kanë shumicë minimale në Këshill. VLEN fitoi 13 vende këshilltarësh, një më shumë se në zgjedhjet paraprake, dhe VMRO-DPMNE tani ka 3 vende këshilltarësh, ose një më pak se përbërja paraprake, kështu që me një total prej 16 këshilltarësh ata kanë shumicë minimale në Këshill.
Aleanca Kombëtare e udhëhequr nga BDI fitoi përsëri 12 vende këshilltarësh, ndërsa LSDM tani ka vetëm një këshilltar në vend të dy që kishte në përbërjen e mëparshme të Këshillit. Risi është se Levica, e cila tani ka arritur të hyjë në qeverisjen lokale me një këshilltar. Lista e pavarur “Më mirë për Tetovën” siguroi gjithashtu një vend në Këshillin e ri të Komunës së Tetovës.
Në vjeshtë të vitit 2025, u mbajtën zgjedhjet lokale. Më 19 tetor u zhvillua rrethi i parë, ndërsa më 2 nëntor u zhvillua rrethi i dytë i zgjedhjeve lokale. Votimi në të dy raundet kaloi pa ndonjë incident serioz.
- LEXO: Rezultatet për Këshillin Komunal në Tetovë: Rikthehen MMPT, Levica për herë të parë me këshilltar
- LEXO: Gjithçka që ndodhi: Maqedonia e Veriut votoi në rrethin e dytë të zgjedhjeve lokale, u publikuan rezultatet jozyrtare
- LEXO: Rezultati final i rrethit të parë të zgjedhjeve lokale në RMV (Infografik)