Turistja ra në një gropë ndërtimi në Ohër, përfundoi me lëndime në spital

Një turiste pësoi lëndime të rënda pasi ra në një gropë të pambrojtur në një kantier ndërtimi dje në rrugën Partizanska në Ohër, raporton Telma, transmeton Portalb.mk.

Sipas dëshmitarëve okularë, aksidenti ndodhi ndërsa gruaja po ecte në trotuar pranë kantierit të ndërtimit.

Për shkak të ashpërsisë së lëndimeve të saj, gruaja u transferua menjëherë në Spitalin Special “Shën Erazmo” në Ohër, ku mori ndihmë mjekësore, raporton portali “Ohrid1”.

Ende nuk janë publikuar detaje rreth gjendjes së saj shëndetësore.

Autoritetet ende nuk kanë lëshuar deklaratë zyrtare mbi rrethanat e aksidentit, dhe publiku po kërkon përgjegjësi dhe siguri më të madhe rreth kantiereve të ndërtimit, veçanërisht në zonat turistike të ngarkuara.